ЯҢАЛЫКЛАР

2007 елның 21 декабрендә 3427-III-ГС номерлы Татарстан Республикасы Дәүләт Советы карары кабул ителде, ул 2008 елга Татарстан Республикасы Дәүләт Советында Закон проектлары белән эшләүнең якынча планын раслый.

“Сәламәтлек” өстенлекле илкүләм проектын гамәлгә ашыру кысаларында киләсе 2 елда Хөкүмәт пациентларның хокукларын яклау институтларын һәм җаваплы медицина хезмәткәрләрен иминләштерү механизмнарын төзергә уйлый. Бу хакта РФ сәламәтлек саклау һәм социаль үсеш министры Т.Голикова өстенлекле илкүләм проектларын гамәлгә ашыру һәм демография сәясәте Советы президиумы утырышында хәбәр итте.

Кичә федераль салым хезмәтенең Татарстан Республикасы буенча идарәсендә Татарстан Республикасында банкротлык процедураларының нәтиҗәлелеген күтәрү һәм Татарстан Республикасында арбитраж идарәчеләре эшчәнлеген контрольдә тоту мәсьәләләре буенча башкарма хакимият органнары һәм җирле үзидарә органнары багланышлары буенча эшче төркем утырышы булды.

ТР юстиция министрының беренче урынбасары С.Н.Столяров эшче төркем әгъзасы сыйфатында утырышта катнашты, анда арбитраж идарәчеләре эшен бәяләү критерийларын исәпләү методикасы расланды.

Кичә “Казан” ММҮдә Татарстан Республикасы Иҗтимагый палатасы утырышы булды, анда әлеге ведомствоның эш йомгаклары һәм “Татарстан Республикасында граждан җәмгыятен үстерү юлында” еллык доклады турында фикер алыштылар.

Кичә ТР Мәгълүматлаштыру һәм элемтә министрлыгында Татарстан Республикасы Иминлек Советының Мәгълүмати куркынычсызлык буенча ведомствоара комиссиясе утырышы булды, анда узган елда Комиссия эшенә йомгак ясалды һәм 2008 елга мәгълүмати куркынычсызлык буенча чаралар планы каралды.

Бүген Татарстан Республикасы Юстиция министрлыгында 31.10.2006 елдагы 1721-р номерлы ТР МК карары белән төзелгән Хокукый мәсьәләләр буенча ведомствоара координацияләү комитетының эшче төркем утырышы булды, анда 2007 елда министрлыкларда һәм ведомстволарда 2007-2010 елларга Татарстан Республикасында Хокук бозуларны профилактикалау буенча комплекслы программаны тормышка ашыру барышы мәсьәләсе турында фикер алыштылар.

2007 елда ТР Юстиция министрлыгы эшчәнлегенең нәтиҗәләре, шулай ук Министрлыкның коллегия утырышына әзерлек хакында бүген ТР юстиция министрының беренче урынбасары үткәргән оператив киңәшмәдә сөйләштеләр.

Бүген ТР юстиция министры урынбасары Ә.Б.Сираҗетдинов Татарстан Республикасы Теләче муниципаль районында гражданнарны күчмә кабул итү үткәрде.

2008 елның 1 гыйнварыннан бала туганда (уллыкка алганда, кызлыкка алганда) ата-аналарга, уллыкка алучыларга, опекуннарга бер тапкыр бирелә торган матди ярдәм суммасы салым салудан азат ителә.

Узган атнада парлиментарияләр өченче чакырылыш Татарстан Республикасы Дәүләт Советының утыз дүртенче утырышында эшләрен дәвам иттеләр. Президиум депутатлар карап тикшерүенә 20 өстәмә мәсьәлә кертте, алар арасында беренче тапкыр, шулай ук беренче һәм чираттагы укуларда карап тикшерелә торган закон проектлары бар.