ЯҢАЛЫКЛАР

8 ноябрьдә “Пирамида” МКаҮ дә Татарстан Республикасы Президенты Минтимер Шәймиев Казан шәһәре активы белән очрашты. Чарада шулай ук ТР Дәүләт Советы Рәисе Ф.Х.Мөхәммәтшин, Казан мэры И.Р.Метшин, ТР юстиция министры М.М.Корманов, министрлык һәм ведомстволар, эре оешмалар һәм предприятиеләр җитәкчеләре, югары уку йортлары ректорлары, уку йортлары директорлары, кече һәм урта бизнес вәкилләре, социаль өлкә хезсәткәрләре катнаштылар.

Татарстан Республикасы Иҗтимагый палатасы “Татарстан Республикасы Иҗтимагый палатасы турында” 2005 елның 14 октбярендә кабул ителгән Татарстан Республикасы Законы нигезендә оешты, аның максаты – Татарстанның дәүләти, икътисадый һәм социаль үсешенең мөһим мәсьәләләре турында халык белән ачык фикер алышуны тәэмин итү, дәүләт хакимияте органнары һәм җирле үзидарә органнары карарлар кабул иткәндә җәмәгатьчелек фикерен исәпкә алу механизмларын камилләштерү.

2007 елның 25 октябрендә “Балалары булган гражданнарга дәүләт пособиеләрен бирү турында” Федераль законга үзгәрешләр кертелде, аның нигезендә балалары булган гражданнарга дәүләт пособиеләренең яңа төрләре гамәлгә кертелде:

- чакыру буенча хәрби хезмәт үтүче хәрби хезмәткәрнең бала көтүче хатынына бер тапкыр бирелә торган пособие (14 мең сум);
- чакыру буенча хәрби хезмәт үтүче хәрби хезмәткәрнең баласына айлык пособие (һәр балага 6 мең сум).

Федерация Советы “Муниципаль норматив хокукый актлар регистрын булдыру һәм алып бару белән бәйле Россия Федерациясенең аерым закон актларына үзгәрешләр кертү турында” Федераль законны хуплады. Закон Россия Федерациясе субъектлары дәүләт хакимиятенең вәкаләтле органнарына муниципаль норматив хокукый актлар регистрын булдыру һәм алып бару буенча, шулай ук муниципаль норматив хокукый актларның федераль регистрын алып бару буенча федераль башкарма хакимиятнең вәкаләтле органын беркетә.

Владимир Путин банк клиентларын яклауга юнәлтелгән законнарга үзгәрешләргә кул куйды. “Банклар һәм банк эшчәнлеге турында” ФЗның 29статьясына үзгәреш кертү хакында” Федераль закон 1999 елның 23 февралендәге 4-П номепрлы РФ Конституция Суды Карарында бәян ителгән карашларны исәпкә алуга юнәлтелгән.

2007 елның 31 октябрендәге РФ Хөкүмәте күрсәтмәсе белән Семипалатинск полигонында атом-төш тәҗрибәсе нәтиҗәсендә радиация йогынтысына дучар ителгән гражданнарга элегрәк бирелгән таныклыкны 2004 елның 27 декабрендәге 849 номерлы РФ Хөкүмәте карарында билгеләнгән бердәм үрнәктәге таныклыкка алыштыруның вакыты 2009 елның 1 гыйнварына кадәр озайтыла.

2007 елның 3 ноябрендә Казанда Татарстан халыклары съезды үтте. Аның эшендә ТР Президенты М.Ш.Шәймиев, Россия Федерациясе Президентының Идел буе федераль округындагы Тулы вәкаләтле вәкиле урынбасары Владимир Зорин, Премьер-министр вазыйфаларын вакытлыча башкаручы Р.Ф.Моратов, Россия Халыклары ассамблеясе советы рәисе Рамазан Абдуллатыйпов, Россия төбәкләр үстерү министры урынбасары К.Ш.Исхаков, ТР юстиция министры М.М.Корманов, Казан мэры И.Р.Метшин катнаштылар.

“Россия Федерациясе Салым кодексының икенче өлешендәге 217 статьясына үзгәреш кертү турында” 2007 елның 30 октябрендәге 239-ФЗ номерлы Федераль закон  физик затлар кеременә салымнар салынмый торган премияләр исемлеген киңәйтте.

Алты дача сотые хуҗаларын җирне хосусыйлаштырганда межалау үткәрү зарурлыгыннан коткарырга мөмкиннәр. Шул чакта имана җирләрен милек итеп рәсмиләштерү күпкә тизрәк булачак һәм күпкә арзангарак төшәчәк.

2007 елның октябрендә Татарстан Республикасы норматив хокукый актларының бердәм банкы бүлегенә бердәм банкка кертү өчен 247 муниципаль хокукый акт – җирле үзидарәнең вәкиллекле органнары карарлары, муниципаль берәмлекләр башлыклары һәм муниципаль берәмлекләрнең башкарма комитетлары җитәкчеләре карарлары һәм күрсәтмәләре кергән.