ЯҢАЛЫКЛАР
2012 елның 23 ноябрендә Россия Юстиция министрлыгында РФ Юстиция министрлыгы коллегиясе утырышы булды. Анда “Россия Федерациясендә түләүсез юридик ярдәм күрсәтү системасы торышы турындагы мәсьәлә турында фикер алыштылар. Утырышта Татарстан Республикасы Юстиция министрлыгының аналитика һәм норматив-методик эш бүлегенең әйдәп баручы киңәшчесе Евгений Кириллов, Россия юристлар ассоциациясенең Татарстан төбәк бүлеге каршындагы Яшь юристлар советы рәисе, РФ Дәүләт Думасы депутаты ярдәмчесе Станислав Александров, шулай ук студентлар һәм РЮА Яшь юристлар советы әгъзалары Тимур Какохо һәм Павел Соломонов катнаштылар.
Татарстан Республикасы Юстиция министрлыгы ТР Сарман районының 2 нче суд участогы җәмәгать судьясы аппараты консультанты һәм Казан шәһәре Совет районының 9 нчы суд участогы җәмәгать судьясы аппаратының 2 разрядлы өлкән белгече – канцелярия мөдире дәүләт граждан хезмәте вакантлы вазыйфасын биләп торуга конкурс игълан итә.
Бүген Казанда “Хокук белеме атналыгы”ның “Хокук. Бар” дип аталган яшьләр проекты үз эшен башлап җибәрде. Ул Казанның югары уку йортларында 2012 елның 27 ноябреннән алып 3 декабренә кадәр узачак. Хокук белеме атналыгы югары һәм урта махсус уку йортлары, шулай ук Казан шәһәре мәктәпләрендә укучылар өчен оештырылган, яшьләрдә хокукый фикер йөртүне һәм гомумән хокукый культураны булдыруга юнәлтелгән чаралар комплексын тәшкил итә.
2012 елның 24 декабрь шимбәсендә «Тулпар» спорт комплексында Татарстан Республикасы башкарма хакимияте органнары һәм Татарстан Республикасы дәүләт органнары хезмәткәрләре арасында II Спартакиада кысаларында баскетбол ярышлары булды.
Татарстан Республикасының хокук бозуларны профилактикалау буенча Хөкүмәт комиссиясенең Татарстан Республикасы юстиция министры М.М.Корманов җитәкчелегендәге эшче төркеме, республиканың муниципаль районнарында хокук бозуларны профилактикалауның оештырылуын һәм эшнең торышын өйрәнү максатларында, 2012 елның 20-22 ноябрь көннәрендә республиканың Баулы һәм Нурлат муниципаль районнарында комплекслы күчмә тикшерү уздырып кайтты.
2012 елның 20 ноябрендә Татарстан Республикасы Юстиция министрлыгында Татарстан Республикасы юстиция министрының беренче урынбасары С.Н.Столяров җитәкчелегендә квалификация (аттестация) комиссиясе утырышы булды.
Кичә, 21 ноябрьдә, Юстиция министрлыгының конференция залында «Хокук hәм хәят» - «Право и жизнь» журналының редакция советы утырышы булды. Фикер алышу өчен ике мәсьәлә тәкъдим ителде: а) редакция советының составын тәгаенләү, б) басманың киләсе декабрь саны эчтәлегенә карата фикерләр белдерү һәм аны раслау. Утырышны редсовет рәисе министр М.М.Корманов алып барды.
2012 елның 20 ноябрендә Татарстан Республикасы Юстиция министрлыгында балигъ булмаганнарның эшләре һәм аларның хокукларын яклау комиссиясе эшчәнлеген тәэмин итү бүлекчәсе мөдире дәүләт граждан хезмәте вакантлы вазыйфасын биләп торуга конкурс уздырылды.
2012 елның 20 ноябрендә Татарстан Республикасы Дәүләт Советының Законлылык һәм хокук тәртибе комитеты утырышы булды. Анда «Законлылык һәм хокук тәртибе комитетының «Татарстан Республикасы җәмәгать судьялары эшчәнлеген оештыру һәм матди-техник тәэмин итү турында» 2011 елның 20 маендагы 53 нче карарын үтәү барышы хакында» мәсьәлә каралды.
Бүген, 2012 елның 20 ноябрендә, Татарстан Республикасы Лаеш районы җәмәгать судьялары суд участокларының капиталь ремонттан соң җәмәгать судьялары аппараты күченгән яңа биналарын тантаналы ачу булды.