ЯҢАЛЫКЛАР

Бүген, 2012 елның 5 декабрендә, Татарстан Республикасы Мәдәният министрлыгының утырышлар залында видеоконференция тәртибендә Татарстан Республикасы җәмәгать судьялары аппараты хезмәткәрләре белән «Суд тарафыннан җинаять эшләрен карау нәтиҗәләрен җәмәгать судьяларына күрсәтү» темасына укыту семинар-киңәшмәсе булды.

Дүртенче чакырылыш Татарстан Республикасы Дәүләт Советының 2012 елның 29 ноябрендә узган 35 нче утырышында Татарстан Республикасы юстиция министры М.М.Корманов юлның транспорт чаралары йөрү өлешендә транспорт чарасын урнаштыру, кара-каршы килгәндә аерылып китү, шулай ук юл кырыйлары буйлап хәрәкәт иткән йә оешкан транспорт яки җәяүлеләр колоннасын кисеп чыккан яисә шунда урын алган өчен (АХБТ РФ Кодексының 12.15 статьясындагы 1 өлеш) һәм, Юл йөрү кагыйдәләрен бозып, велосипед яки җәяүле сукмаклары йә тротуарлар буйлап хәрәкәт иткән өчен (АХБТ РФ Кодексының 12.15 статьясындагы 2 өлеш) административ җаваплылыкны катгыйландыру максатыннан эшләнгән «Административ хокук бозулар турында Россия Федерациясе Кодексының 12.15 статьясына үзгәрешләр кертү хакында» Федераль законны тәкъдим итте.

2012 елның 30 ноябрендә Татарстан Республикасы Министрлар Кабинетында Хокукый мәсьәләләр буенча ведомствоара координацияләү комитеты чираттагы утырышын уздырды. Утырышта законсыз торак төзелеше объектларына «паспортлаштыру»ны уздыруга караган һәм бу төзелешкә рөхсәт бирүдә гаепле вазыйфаи затлар турындагы мәсьәлә каралды.

Узган ял көнендә, 2012 елның 1 декабрендә, Татарстан Республикасы башкарма хакимияте органнары һәм Татарстан Республикасы дәүләт органнары аппаратлары хезмәткәрләре арасында оештырылган II Спартакиада кысаларында боулинг буенча ярышлар булды.

Бүген Татарстан Республикасы Юстиция министрлыгында 2012 елның 27 ноябреннән алып «Хокук. Бар» дип аталган «Хокукый белем атналыгы» н рәсми ябу тантанасы булды.

2012 елның 1 декабрендә, юристларның һөнәри бәйрәме алдыннан, Татарстан Республикасы юстиция министры, Россия юристлары ассоциациясенең Татарстан төбәк бүлеге рәисе М.М.Корманов РФ Тикшерү комитетының Татарстан Республикасы буенча Тикшерү идарәсе хезмәткәрләре белән очрашты. Ул Россия юристлары ассоциациясе эшчәнлеге, Ассоциациянең устав бурычлары һәм максатлары турында сөйләде, РЮАнең Татарстандагы төбәк бүлеге эше турында мәгълүмат җиткерде һәм катнашучыларның сорауларына җавап бирде.

Бүген, 30 ноябрьдә, Бөгелмәдә республиканың юстиция министры М.М.Корманов, ТР Югары Суды рәисе И.И.Гыйләҗев, Бөгелмә муниципаль районы башлыгы И.А.Касыймов, шәһәр җәмәгатьчелеге вәкилләре, Татарстанның көньяк-көнчыгышындагы җәмәгать судьялары корпусы катншында җәмәгать судьяларының яңа дүрт катлы бинасын тантаналы ачу булды.

2012 елның 28 ноябрендә ТР Юстиция министрлыгында Россия Федерациясе Федераль Собраниесе Дәүләт Думасы депутаты М.М.Галимәрдәнов рәислегендә Татарстан Республикасы икътисадына федераль бюджет акчасын җәлеп итү мәсьәләсе буенча 12 нче эшче төркемнең чираттагы уырышы булды.

Кичә, 2012 елның 28 ноябрендә, Татарстан Республикасы Мәдәният министрлыгының утырышлар залында Татарстан Республикасы муниципаль берәмлекләренең юридик хезмәтләрендә эшләүчеләрне укыту буенча Татарстан Республикасы Юстиция министрлыгы тарафыннан оештырылган чираттагы семинар узды.

2012 елның 28 ноябрендә Татарстан Республикасы юстиция министры М.М.Корманов Татарстан Республикасы Баулы муниципаль районы гражданнарын кабат видео аша кабул итте. Министр он-лайн тәртибендә 10 гражданның сорауларына җавап бирде. Кызыксындырган мәсьәләләрнең өчесе - муниципаль законнарга, берәр сорау җир, гражданлык, процессуаль законнарга һәм җирле үзидарә турындагы законнарга кагылышлы булды, икесе - торак законнарын һәм берсе – “Персональ мәгълүматлар турында” ФЗ куллану белән бәйләнешле булды.