ЯҢАЛЫКЛАР
Бүген, 2012 елның 20 ноябрендә, Татарстан Республикасы Дәүләт Советының Дәүләт төзелеше һәм җирле үзидарә комитеты утырышы булды. Анда Татарстан Республикасы юстиция министрының беренче урынбасары С.Н.Столяров “Татарстан Республикасының норматив хокукый актлары регистры турында” Татарстан Республикасы Законының 3 һәм 4 статьяларына үзгәрешләр кертү хакында” Татарстан Репсубликасы законы проектын тәкъдим итте.
2012 елның 15 ноябрендә Татарстан Республикасы Балык Бистәсе муниципаль районының Олы Елга һәм Котлы Бөкәш авыл җирлекләре территориясендә авыл җирлекләрендә яшәүчеләргә түләүсез юридик ярдәм күрсәтү буенча мәгълүмат-консультация төркеменең күчмә кабул итүе булды. Хокукый ярдәм сорап тирә-юньдәге җирлекләрдә яшәүчеләр дә, Балык Бистәсе штп. район үзәгеннән дә мөрәҗәгать иттеләр. Кабул итү барышында 81 район кешесенә ярдәм күрсәтелде.
2012 елның 14 ноябрендә Татарстан Республикасы Юстиция министрлыгында ТР Юстиция министрлыгы аттестация комиссиясе ТР җәмәгать судьялары аппараты дәүләт граждан хезмәткәрләреннән класслы чин бирүгә квалификация имтиханнарын кабул итте.
Октябрь ахырында һәм бу ай башында Татарстан Республикасы Юстиция министрлыгының мәгълүмат-аналитика, координация һәм планлаштыру бүлеге хезмәткәрләре 2012-2014 елларга коррупциягә каршы комплекслы республика программасы чараларының тормышка ашырылуын тикшерү графигына ярашлы рәвештә Татарстан Республикасы Дәүләт торак төзелеше инспекциясендә һәм Татарстан Республикасы Питрәч муниципаль районында тикшерү уздырдылар.
2012 елның 12 ноябрендә Россия Федерациясе Президенты В.В.Путин “Россия Федерациясе субъектларында җәмәгать судьяларының гомуми саны һәм суд участокларының исәбе турында” ФЗның 1 статьясына үзгәрешләр кертү хакында” 184-ФЗ номерлы Федераль законга кул куйды, аның нигезендә Татарстан Республикасында җәмәгать судьяларының саны һәм шуңа тигез суд участоклары саны 182 дән 188 гә кадәр арттырыла.
Татарстан Республикасы Юстиция министрлыгы җәмәгать судьялары эшчәнлеген тәэмин итү бүлегенең әйдәп баручы белгече, Казан шәһәре Мәскәү районы 4 нче суд участогы җәмәгать судьясы аппаратының суд утырышы секретаре, Казан шәһәре Идел буе районы 7 нче суд участогы җәмәгать судьясы аппаратының суд утырышы секретаре һәм ТР Алабуга районы һәм Алабуга шәһәре 1 нче суд участогы җәмәгать судьясы аппаратының суд утырышы секретаре дәүләт граждан хезмәте вакантлы вазыйфасын биләп торуга конкурс игълан итә.
Татарстан Республикасы Президенты Р.Н. Миңнехановның “2010-2013 елларга Татарстан Республикасы дәүләт граждан хезмәтен һәмТатарстан Республикасында муниципаль хезмәтне үстерү программасын раслау турында” 2010 елның 23 августындагы ПУ-552 номерлы указын тормышка ашыру кысаларында 2012 елның 12 ноябреннән алып 15 ноябренә кадәр Казан (Идел буе) федераль университеты базасында “Административ комиссияләрнең эшен оештыру” программасы буенча муниципаль хезмәткәрләр өчен квалификация күтәрү курслары оештырылды.
Халыкара коррупциягә каршы көрәш көненә (9 декабрь) багышланган айлык кысаларында 2012 елның 8 ноябрендә Казан дәүләт медицина университетында “Яшьләр күзлегеннән коррупция” дигән яшьләр форумы узды. Форум эшендә Татарстан Республикасы Президентының Коррупциягә каршы сәясәт мәсьәләләре идарәсе, Татарстан Республикасы Президенты каршындагы Коррупциягә каршы тору советы, Татарстан Республикасы Юстиция министрлыгы һәм республиканың хокук саклау органнары катнашты.
2012 елның 9 ноябрендә Татарстан Республикасы Министрлар Кабинетының утырышлар залында Хокук мәсьәләләре буенча ведомствоара координацияләү комитетының киңәйтелгән утырышы булды.
Кичә, 2012 елның 8 ноябрендә, Татарстан Республикасы юстиция министры вазыйфаларын башкаручы С.Н.Столяров Татарстан Республикасы Президенты Р.Н.Миңнеханов йөкләмәсе буенча, райондагы торак-коммуналь хуҗалыгы өлкәсендәге хәлне өйрәнү максатыннан, ТР Кама Тамагы районына эш сәфәренә чыкты.