ЯҢАЛЫКЛАР

2012 елның 10 - 12 июнь көннәрендә Татарстанда республика министрлыклары һәм ведомстволарының көймәдән спиннинг белән балык тоту командалары арасында “Яр кубогы”на балык тоту фестивале (Fish Сабантуй) булды. А.В.Воробьев  һәм А.Н.Замалиевлардан гыйбарәт Татарстан Республикасы Юстиция министрлыгы командасы гадәти булмаган ярышта катнашып кына калмады, ә лаеклы 1 урынны алды.

2012 елның 7 июнендә Татарстан Республикасы юстиция министры М.М.Корманов һәм министр урынбасары вазыйфаларын башкаручы Н.Н.Хисмәтуллин Груздев урамындагы 4 нче йортта урнашкан Казан шәһәре Вахитов районы җәмәгать судьялары суд участокларында булып кайттылар.

2012 елның 8 июнендә Татарстан Республикасы Мәдәният министрлыгының утырышлар залында муниципаль берәмлекләрнең башлыклары, башкарма комитетлары вәкилләре, муниципаль берәмлекләрнең кадрлар бүлекчәләре һәм юридик хезмәтләре хезмәткәрләре катнашында семинар-киңәшмә булды. Анда муниципаль дәрәҗәдә коррупциягә каршы тору мәсьәләсе турында фикер алышынды.

2012 елның 6 июнендә Татарстан Республикасының Чүпрәле һәм Буа районнарында террорчылыкка каршы район комиссиясе утырышы булды. Анда “Россия көне, “Сабантуй – 2012” һәм “Акатуй-2012” уңаеннан бәйрәм чараларын хәзерләү һәм үткәрүнең иҗтимагый иминлеген тәэмин итү турында” мәсьәлә каралды.

Татарстан Республикасы Юстиция министрлыгы җәмәгать судьялары эшчәнлеген тәэмин итү бүлегенең әйдәп баручы белгече һәм ТР Түбән Кама районы һәм Түбән Кама шәһәренең 7 номерлы суд участогы җәмәгать судьясы аппаратының суд утырышы секретаре дәүләт граждан хезмәте вакантлы вазыйфасын биләп торуга конкурс игълан итә.

2012 елның 5 июнендә Биектау тимер юл станциясе поселогында Биектау муниципаль районы җитәкчелеге башлангычы буенча җирле үзидарә органнары эшчәнлегенә кайбер нотариаль гамәлләр башкару мәсьәләсендә хокукый ярдәм күрсәтү өчен районның авыл җирлекләре башлыклары белән күчмә семинар-киңәшмә узды.

6 июньдә Татарстан Республикасы Юстиция министрлыгы каршындагы Иҗтимагый советның чираттагы утырышы булды. Утырышта Иҗтимагый советның 2012 елга эш планына ярашлы рәвештә советның Татарстан Республикасы Дәүләт Советының Законлылык һәм хокук тәртибе комитеты белән үзара мөнәсәбәте мәсьәләсе каралды.

2012 елның 2 июнендәге шимбә көндә “Трудовые резервы” стадионында шулай ук Татарстан Республикасы башкарма хакимияте органнары һәм Татарстан Республикасы дәүләт органнары аппаратлары хезмәткәрләре арасындагы II Cпартакиада кысаларында җиңел атлетика эстафетасы башланып китте. 4 кешедән гыйбарәт җиңел атлетлар командалары (ярышта 27 министрлык һәм ведомство командалары катнашты) 400 метрлы дистанцияне (100 м х 4) йөгереп килергә тиеш иделәр.

2012 елның 4 июнендә Татарстан Республикасы Юстиция министрлыгы һәм РФ Юстиция министрлыгының Татарстан Республикасы буенча идарәсе белгечләре, җирле үзидарә органнарына хокукый ярдәм күрсәтү максатында, Татарстан Республикасы Лаеш муниципаль районында район җирлекләре башлыклары белән очраштылар.