ЯҢАЛЫКЛАР

2011 елның 26 ноябрендә, шимбә көнне, Татарстан Республикасы башкарма хакимият органнарының һәм Татарстан Республикавсы дәүләт органнарының апппаратлары хезмәткәрләре арасындагы Спартакиада кысаларында егетләр командалары арасында бильярд буенча ярышлар булды.

2011 елның 25 ноябрендә Татарстан Республикасы юстиция министры М.М.Корманов Татарстан Республикасы Дәүләт Советы утырышында ике Татарстан Республикасы законы проектын тәкъдим итте: “Татарстан Республикасы Питрәч районы буенча Татарстан Республикасы җәмәгать судьяларының суд участоклары чикләре турында” (1 нче укылыш) һәм “Татарстан Республикасы Арча районы буенча Татарстан Республикасы җәмәгать судьяларының суд участоклары чикләре турында” (1 нче укылыш). Ике закон проекты да тулысынча диярлек кабул ителде.

2011 елның 23 ноябрендә «2009-2011 елларга Татарстан Республикасының Коррупциягә каршы сәясәте стратегиясен гамәлгә ашыру буенча Республика программасын раслау турында” 2008 елның 22 сентябрендәге 693 номерлы Татарстан Республикасы Министрлар Кабинеты карарын үтәү нәтиҗәләре һәм Татарстан Республикасы дәүләт хакимиятенең башкарма органнарында коррупциягә каршы торуны көчәйтү чаралары хакында” мәсьәләсе буенча Татарстан Республикасы Премьер-министры И.Ш. Халиков рәислегендә Татарстан Республикасы Министрлар Кабинеты Президиумының утырышы булды.

Татарстан Республикасы Дәүләт Советының 2010 елның 23 декабрендәге 1382-IV номерлы Карары белән Татарстан Республикасының Тукай муниципаль районы территориясендә поселок статусы белән торак пункт төзелде.

“Коррупциягә каршы тору өлкәсендә дәүләт тарафыннан идарә итүне камилләштерү белән бәйле Россия Федерациясенең аерым закон актларына үзгәрешләр кертү турында” 2011 елның 21ноябрендәге 329-ФЗ номерлы Федераль законга кул куелды. Ул чиновникларны ышаныч бетү сәбәпле хезмәтләреннән азат итәргә рөхсәт бирә.

Татарстан Республикасы Юстиция министрлыгында Россия юристлар ассоциациясенең Татарстан төбәк бүлеге Яшь юристлар советының чираттагы утырышы булды. Анда “Хокук мәктәбе” проекты кысаларында лекцияләр үткәрү, Казан шәһәрендәге югары уку йортларында юридик үзәкләр эше һәм һөнәри бәйрәм – Юристлар көнен уздыруга әзерлек белән бәйле мәсьәләләр турында фикер алышынды.

“Федераль конституциячел законнарның, федераль законнарның, Федераль җыен палатасы актларының басылып чыгу һәм гамәлгә керү тәртибе турында” Федераль законга үзгәрешләр кертү хакында” 2011 елның 21 октябрендәге 289-ФЗ номерлы Федераль закон кабул ителүгә бәйле Россия Федерациясе Президентының “Федераль законнарның басылып чыгу һәм гамәлгә керү тәртибе турында” 1994 елның 5 апрелендәге 662 номерлы Указына һәм Россия Федерациясе Президентының “Россия Федерациясе Президенты, Россия Федерациясе Хөкүмәте актларының һәм федераль башкарма хакимият органнары норматив хокукый законнарның басылып чыгу һәм гамәлгә керү тәртибе турында” 1996 елның 23 маендагы 763 номерлы Указына үзгәрешләр кертелде.

Россия Федерациясе Дәүләт Думасы Коррупциягә каршы көрәш өлкәсендә кулланыла торган хокукый чараларны комплекслы камилләштерү турында Президент тәкъдим иткән закон проектын өченче укылышта кабул итте.

2011 елның 9 ноябрендә Федерация Советы “Россия Федерациясе Салым кодексының икенче өлешенә, “Россия Федерациясендә судьялар статусы турында” Россия Федерациясе Законының 15 статьясына үзгәрешләр кертү һәм Россия Федерациясенең аерым закон актларының көчләрен югалтуларын тану хакында” Федераль законны хуплады.