ЯҢАЛЫКЛАР

Дәүләт Думасы өченче укылышта РФ мәҗбүри медицина иминиятләштерүне реформалау буенча законнар җыелмасын кабул итте. Яңа елдан гражданнар иминиятләштерү оешмасын, табипны, ел саен сайлау һәм бердәм үрнәктәге полис алу хокукына ия булачаклар. Әлеге полисны алмаштыру зарурлыгы булмаячак, һәм ул бөтен РФ территориясендә үз көченә ия булачак.

“Россия Федерациясе Хакимияте – Министрлар Советының 23.10.1993 елдагы 1090 номерлы карарына үзгәрешләр, югыйсә юл хәрәкәте Кагыйдәләренә үзгәрешләр кертү турында” 10.05.2010 елдагы 316 номерлы РФ Хакимияте карары үз көченә керә. Хәзер исә боҗра хәрәкәтле юл кисешендә юл приоритеты боҗрадагы машина йөртүчеләрнеке булачак, боҗрага кереп кенә баручылар түгел. Шулай ук җайга салынмаган җәйәүлеләр юл кичүенә җиткән вакытта машина йөртүче тизлекне төшерегә яисә юл аркылы чыгу өчен юл йөрү өлешенә аяк баскан җәяүлеләрне үткәреп җибәрергә тиеш.

Бүген ТР җәмәгать судьялары аппаратының җәмәгать судьялары сайтларында җәмәгать судьялары эшчәнлеге турында мәгълүмат урнаштыру өчен җаваплы администраторлары һәм хезмәткәрләре белән киңәшмә узды. Анда “Россия Федерациясендә судлар эшчәнлеге турындагы мәгълүматка үтемлелекне тәэмин итү турында” 22.12.2008 елдагы 262-ФЗ номерлы Федераль закон таләпләрен үтәү турындагы мәсьәлә һәм ТР җәмәгать судьялары аппараты эшчәнлеген оештыру белән бәйле башка мәсьәләләр каралды. Татарстан Республикасы Юстиция министрлыгы оештырган утырыш видеоконференция рәвешендә барды.

Бүген Казан Кремльендә Татарстан Республикасы Президенты Аппараты җитәкчесе Ю.З.Камалтынов рәислегендә коррупциягә каршы сәясәтне гамәлгә ашыру буенча Республика советы утырышы узды. Татарстан Республикасы юстиция министры М.М.Корманов «Татарстан Республикасы коррупциягә каршы Стратегиясен 2009-2011 елларда гамәлгә ашыру буенча Республика программасының гражданнарга һәм юридик затларга муниципаль хезмәт күрсәтүләрнең административ регламентларын кабул итү һәм гамәлгә кертү чаралар исемлегенең 5.4 пунктын башкару турында» доклады белән чыгыш ясады.

Татарстан Республикасы Юстиция министрлыгында юстиция министры М.М.Команов рәислегендә Татарстан Республикасы муниципаль берәмлекләренең үрнәк (модель) уставларын әзерләү буенча эшче төркем утырышы узды.

Россиядә дәүләт үрнәгендәге документлар, гыйльми дәрәҗәләр һәм исемнәр турында федераль реестр булдырылачак. Президент имзалаган “Мәгариф өлкәсендә контроль-күзәтү функцияләрен үстерү һәм дәүләт хезмәт күрсәтүләрен оптимизацияләү нигезендә Россия Федерациясенең аерым закон актларына үзгәрешләр кертү турында” 2010 елның 8 ноябрендәге 293-ФЗ Федераль законда тиешле нигезләмәләр бар.

Дәүләт Думасы тараффннан көзге сессиядә икенче укылышта БДИ үткәрүне катгыйлаштыра торган төзәтмәләр кертеләчәк, аларга кесә телефонннарын файдалануга гына түгел, имтиханга алып керүгә кагылышлы тыюлар кертелә. Әлеге тыю имтихан тапшыручыларга гына түгел, оештыручыларга да кагыла.

Татарстан Республикасы Юстиция министрлыгында юстиция министры М.М.Корманов рәилегендә Татарстан Республикасы муниципаль берәмлекләренең үрнәк (модель) уставларын әзерләү буенча эшче төркем утырышы узды, анда эшче төркем әгъзалары муниципаль районның, шәһәр һәм авыл җирлекләренең үрнәк (модель) уставларының 26.10.2010 елда эшче төркем әгъзалары тарафыннан яңгыратылган искәрмәләрне, тәкъдимнәрне исәпкә алган ахыргы редакциясен раслау мәсьәләсе турында фикер алыштылар.

Бүген Кама Тамагы муниципаль районында Татарстан Республикасы “Кама Тамагы муниципаль районы” муниципаль берәмлегендә Совет утырышы узды, анда муниципаль берәмлегенең Башкарма комитеты җитәкчесе сайланды. Иң элек Татарстан Республикасы “Кама Тамагы муниципаль районы” муниципаль берәмлеге Башкарма комитеты җитәкчесе вазыйфасын биләүгә дәгъвалаучыларны карау өчен конкурс комиссиясе утырышы узды.

Татарстан Республикасы Премьер-министры И.Ш.Халиков боерыгы кысаларында 2010 елның 11 ноябрендә Татарстан Республикасы Юстиция министрлыгында Татарстан Республикасы юстиция министры М.М.Корманов рәислегендә “Кош фабрикасын реконструкцияләү” проектын гамәлгә кертү өчен кирәк булган җир кишәрлекләрен Тукай муниципаль районы авыл җирлегенең Новотроицк авыл җирлеге составына керүче “Яр Чаллы шәһәре” муниципаль берәмлеге чикләренә кертү мәсьәләсе буенча утырыш узды.