ЯҢАЛЫКЛАР

Бүген Татарстан Республикасы Юстиция министрлыгында Хокук мәсьәләләре буенча ведомствоара координация комитетының Экспертлар советы утырышы узды. Анда 4 федераль закон проекты һәм берничә республика законы проектлары тикшерелде. Барлык закон проектлары Экспертлар советы әгъзалары тарафыннан хупланды.

Татарстан Республикасы юстиция министры боерыгы белән гражданнарны күчмә кабул итү графигы нигезендә, Татарстан Республикасының Апас муниципаль районында Татарстан Республикасы Юстиция министрлыгының эшләр идарәчесе С.А.Брусов катнашында гражданнарны күчмә кабул итү оештырылды.

Җәяүлеләргә юл хәрәкәтендә өстенлек бирмәгән өчен штрафны арттыру турындагы закон проекты Дәүләт Думасы тарафыннан икенче укылышта кабул ителде. Тиешле төзәтүләр Россия Федерациясенең Административ хокук бозулар Кодексына кертелә.

2009 елның 31 мартындагы 89 номерлы Россия Федерациясе Юстиция министрлыгы боерыгы нигезендә теркәлгән оешмалар турында физик һәм юридик затларга мәгълүмат бирү буенча Юстиция министрлыгы тарафыннан дәүләт функциясен башкаруның Административ регламенты расланды.

2009 елның 31 мартындагы 1-02/70 номерлы Татарстан Республикасы Юстиция министрлыгы боерыгы нигезендә Татарстан Республикасының муниципаль норматив хокукый актлары Регистрын оештыру һәм алып бару тәртибе турында Аңлатмалар расланды.

16 апрельдә “Корстон” Кунакханә сәүдә Күңел ачу Комплексында “БДБның инновация киңлекләре үсеше. Бердәмлек илләренең сәүдә-сәнәгать палаталарының роле һәм урыны” Халыкара форумның ачылышы узды.  Вәкиллекле форумны ачу тантанасында Татарстан Республикасы Президенты Минтимер Шәймиев, Россия Федерациясе Президентының Идел буе федераль округындагы вәкаләтле вәкиле Григорий Рапота, Россия Федерациясенең сәүдә-сәнәгать палатасы президенты Евгений Примаков, Татарстан Республикасы премьер-министры Рөстәм Миңнеханов, Татарстан Республикасы Дәүләт Советы Рәисе Фәрит Мөхәммәтшин, Татарстан Республикасының сәүдә-сәнәгать палатасы идарәсе рәисе Шамил Агеев катнашты.

2009 елның 31 мартындагы 92 номерлы Россия Федерациясе Юстиция министрлыгы боерыгы нигезендә Норматив хокукый акт проектын һәм бүтән документларны коррупциячелеккә экспертиза үткәрүгә вәкаләтләнгән бәйсез экспертлар сыйфатында юридик һәм физик затларны аккредитацияләү нигезләмәсе расланды.

22.12.2008 елдагы Татарстан Республикасы Министрлар Кабинеты карары нигезендә республикада 2009 елның 1 июнендә “Первый канал” ААҖ белән берлектә “БЕЗ БУЛДЫРАБЫЗ” исемле масштаблы хәйрия акциясе узачак. Ул авыр тормыш шартларында калган балаларга ярдәм күрсәтүгә юнәлдерелгән.

Хокук мәсьәләләре буенча ведомствоара координация комитеты эшче төркемнәренең эш планы нигезендә 2009 елның 20 апреленнән алып 24 апрельгә кадәр эшче төркем әгъзалары Казан һәм Яр Чаллы шәһәр округларында хокук бозуларны профилактикалау буенча эш торышын өйрәнергә керешәчәкләр.

Бүген Татарстан Республикасы Юстиция министрлыгында Министрлык аппаратында, шулай ук Казан шәһәренең Совет районы, Татарстан Республикасының Зеленодольск районы һәм Зеленодольск шәһәре, Татарстан Республикасының Менделеевск һәм Зәй районнарының җәмәгать судьялары аппаратында Татарстан Республикасы дәүләт граждан хезмәтенең вакант вазыйфаларын биләп торуга конкурс узды.