ЯҢАЛЫКЛАР

Азнакай суд районы буенча 3 нче участогы җәмәгать судьясы ярдәмчесе Резеда Мөфәхарованың һөнәри юбилее Татарстанда җәмәгать юстициясе юбилеена туры килде. Быел җәмәгать судьялары институтына 25 ел! “Дәүләткә хезмәт итү - зур җаваплылык һәм җитди хезмәт ул. Әмма коллективта рәхәт атмосфера булганда бу алай ук сизелми”, - ди Резеда Мөфәхарова.

Телефон кырыгалдарлары киберҗинаятьләрнең иң киң таралган төрләренең берсе булып кала бирә. Җинаятьчеләр сезнең мәгълүматларны һәм акчаларны үзләштерү өчен төрле алымнарны даими камилләштерә.

Татарстан Республикасында гаилә мәнфәгатьләрен яклау мәсьәләләре буенча Бөтенроссия хокукый ярдәм атналыгы барышында хокукый ярдәм төрле форматтагы мәйданчыкларда күрсәтелде. Хокук мәсьәләләре буенча семинарлар, түгәрәк өстәлләр, тренинглар һәм консультацияләрне кертеп, 5700 чара үткәрелде, дип хәбәр итте юстиция министрының беренче урынбасары Илья Гомзик.

Нинди видеоларны куярга ярамавы турында тагын бер кат искәртәбез:

Татарстан Республикасы Юстиция министрлыгы хезмәткәрләре Бөтенроссия Физкультурачылар көненә багышланган масштаблы спорт чараларына кушылды. Актив көн “УРАМ” экстрим-паркы мәйданчыгында ГТО нормативларын үтәүдән башланып, “Төнге Казан” йөгерешендә катнашу белән тәмамланды.

Алабугага эш сәфәре вакытында юстиция министры Рөстәм Заһидуллин “Алабуга Сөте” компаниясенең хезмәт коллективы белән очрашты. Очрашуның төп темасы Алабуга районының һәм тулаем республиканың социаль-икътисади үсеше турында фикер алышу булды.

MAX- Россиянең чит ил аналогларына альтернатива буларак эшләнгән яңа мессенджеры. Ул хәбәрләр һәм медиафайллар алмашу өчен стандарт функцияләр җыелмасын тәкъдим итә, шулай ук төркемле чатлар һәм видео аша шалтыратулар өчен кулланыла ала.

Төзүчеләр көне ел саен августның икенче якшәмбесендә билгеләп үтелә. Республиканың куәтле төзелеш комплексы күп кенә мөһим мәсьәләләрне хәл итәргә ярдәм итә. Моңа социаль өлкә объектларын үстерү дә, гадел хөкем эшләрен башкару өчен уңайлы шартлар тудыру да, спорт корылмалары төзү һәм башкалар да керә. Төзүчеләр эшенең мөһимлегенә республика Рәисе Рөстәм Нургали улы Миңнеханов та басым ясый. “Сезнең ярдәмегез белән без ел саен бөтен республика буенча йөзләгән объект төзибез һәм ремонтлыйбыз”, - ди ул.

Татарстан Республикасы Рәисе Рөстәм Нургали улы Миңнеханов карары буенча республикада “Татарстан Республикасында юстицияне үстерү” дәүләт программасы гамәлгә ашырыла. Ул җәмәгать судьялары һәм аларның аппаратлары эшчәнлеген тәэмин итүгә бәйле мөһим бурычларны комплекслы хәл итүгә юнәлдерелгән. Төп юнәлешләр шулай ук суд процессын тизләтүне һәм республика халкы өчен юридик хезмәтләр алуны шактый җиңеләйтүне үз эченә ала. Бу хакта республика юстиция министры Рөстәм Заһидуллин Югары судта район (шәһәр) судлары киңәшмәсендә чыгыш ясаганда әйтте.

025 елның 6 аенда Татарстан дәүләт юридик бюросы юристлары 800дән артык хәрби хезмәткәргә һәм аларның гаилә әгъзаларына түләүсез юридик ярдәм күрсәткән. Бу хакта республикада Төбәк иҗтимагый кабул итү бүлмәсендә туры эфир барышында юстиция министрының беренче урынбасары Илья Гомзик хәбәр итте.