ЯҢАЛЫКЛАР

Министрлыкның мәгълүмат-аналитика эше, координация һәм планлаштыру бүлеге мөдире А.М.Чашин, бүлек мөдире урынбасары А.А.Беденьгов, әлеге бүлекнең өлкән белгечләре Н.А.Шакирова һәм М.Ф.Вәлиев составындагы эшче төркеме югарыда күрсәтелгән программа чараларының Татарстан Республикасында Үзйөрешле машиналарның һәм башка төрдәге техниканың техник торышына күзәтчелек идарәсендә гамәлгә ашырылуын тикшерделәр.

Бүген Татарстан Республикасы Юстиция министрлыгында коллегия утырышы үтте. Аның барышында Татарстан Республикасы министрлыклары һәм ведомстволарының 2011 елдагы закон проектлары эшчәнлегенә нәтиҗәләр чыгардылар һәм 2012 елга бурычлар билгеләделәр.

Татарстанда дүртенче тапкыр Түләүсез юридик ярдәм күрсәтү көне үткәрелде. Әлеге чара Россия юристлары ассоциациясенең Татарстандагы төбәк бүлекчәсе һәм Татарстан Республикасы Юстиция министрлыгы тарафыннан оештырылган иде.

2012 елның 25 гыйнварында, Татарстан Республикасы юстиция министры М.М.Корманов тарафыннан расланган график нигезендә, Татарстан Республикасы Юстиция министрлыгының мәгълүмат-аналитика эше, координация һәм планлаштыру бүлеге мөдире А.М.Чашин һәм әлеге бүлекнең әйдәп баручы белгече И.Ф.Вафин 2012-2014 елларга Республиканың коррупциягә каршы комплекслы программасы чараларын башкаруның оештырылуын, шул исәптән, ТР Югары Ослан муниципаль районында норматив хокукый актларга һәм аларның проектларына коррупциягә каршы экспертиза үткәрелүне тикшерделәр.

2012 елның 25 гыйнварында Татарстан Республикасы Югары Суды Президиумы утырышы үтте. Аның барышында Татарстан Республикасы җәмәгать судьялары аппаратында эш башкаруның оештырылуы турындагы мәсьәлә буенча фикер алыштылар.

2012 елның 25 гыйнварында Татарстан Республикасы Юстиция министрлыгында Экспертлар советы утырышы үткәрелде. Көн тәртибенә Татарстан Республикасының 6 закон проекты кертелде.

 

2012 елның 16 – 20 гыйнвар көннәрендә Министрлыкның мәгълүмат-аналитика эше, координация һәм планлаштыру бүлеге җитәкчесе урынбасары А.А.Беденьгов Татарстан Республикасы Президенты каршындагы Коррупциягә каршы көрәш советының экспертлар төркеме катнашында федераль һәм республика законнарында каралган коррупциягә каршы чараларның  республиканың Актаныш муниципаль районында гамәлгә ашырылуын комплекслы тикшерүдә катнашты.

2012 елның 30 гыйнварында Россия юристлары ассоциациясе халыкка түләүсез юридик ярдәм күрсәтү проектын гамәлгә ашыру кысаларында Россиядә чираттагы Түләүсез юридик ярдәм күрсәтү көнен үткәрә.

Әлеге чара кысаларында Россия юристлары ассоциациясенең Татарстандагы төбәк бүлеге Татарстан Республикасы Юстиция министрлыгы, “Бердәм Россия” партиясенең Татарстандагы бүлеге, РФ Юстиция министрлыгының Татарстан Республикасы буенча идарәсе, Татарстан Республикасының Адвокатлар һәм Нотариаль палаталары белән берлектә Татарстан Республикасы территориясендә халыкка Түләүсез юридик ярдәм күрсәтү көнен үткәрә.

2012 елның 18 гыйнварында Татарстан Республикасы юстиция министры М.М.Корманов эшлекле сәфәр белән Кама Тамагы муниципаль районында булып кайтты. Бу көнне анда ТР Кама Тамагы муниципаль районы Башкарма комитеты җитәкчесе вакантлы вазыйфаны биләп торуга конкурс үткәрелде. Министр М.М.Корманов – районның конкурс комиссиясе рәисе. Конкурска документларын 2 кандидат тапшырган иде – И.Ф.Рамазанов һәм Д.В.Юманов.

2012 елның 11 гыйнварында, федераль законнардагы таләпләр нигезендә, Россиянең гадел хөкем академиясенең Казан филиалы диварларында Татарстан Республикасы җәмәгать судьяларын яңадан һөнәри укыту курслары ачылды. 2011 елда Татарстан Республикасы Дәүләт Советы тарафыннан билгеләнеп, җәмәгать судьясы вазыйфаларын беренче тапкыр башкарырга керешкән Татарстан Республикасының Казан шәһәре, башка шәһәр һәм районнарыннан 9 җәмәгать судьясы парталар артына утырды.