ЯҢАЛЫКЛАР

“Татарстан Республикасында мәгълүмати һәм коммуникацион технологияләрне үстерү һәм файдалану (Электрон Татарстан)” 2008-2010 еллар” республика максатчан программасы чаралары исемлеге нигезендә, Татарстан Республикасы Юстиция министрлыгы “Җәмәгать судьялары” мәгълүмат системасын булдыру өчен җаваплы.

РФ Хөкүмәте, Тарифлар буенча федераль хезмәт турында нигезләмәгә үзгәрешләр кертте, аның нигезендә ведомствоны төбәкләрдәге торак коммуналь хуҗалык хезмәтләренә иң чик тариф индексларын билгеләү хокукыннан азат итте. Бу хакта 12 сентябрь 2008 елдагы 669 номерлы карарны РФ Хөкүмәте рәисе В.В.Путин имзалады.

“Бердәм Россия”ле – депутатлар төркеме, өлешләп төзүдә катнашучылар хокукын яклау максатларында, Россиянең кайбер закон актларына үзгәрешләр кертүне үз эченә алган закон проектын Дәүләт Думасына керттеләр дип хәбәр итә “Газета.ру”.

Кичә Татарстан Республикасы юстиция министры М.М.Корманов, ТР Үзәк сайлау комиссиясенең яңа состав әгъзасы буларак, ТР Үзәк сайлау комиссиясенең оештыру утырышында катнашты.

Татарстан Республикасы Юстиция министрлыгының конкурс комиссиясе утырышы узды. Казан шәһәре Вахитов районы җәмәгать судьясы аппараты 2 номерлы суд участогының суд утырышы сәркатибе Татарстан Республикасы дәүләт граждан хезмәте вакант вазыйфасын биләүгә конкурста 3 кандидат катнашты.

Бүген Татарстан Республикасы Юстиция министрлыгында, Татарстан Республикасының Тарифлар буенча комитеты барлыкка килү сәбәпле Татарстан Республикасы Законнарына үзгәрешләр кертү турында норматив хокукый акт проектларын эшләү буенча эшен башлаучы, Хокукый мәсьәләләр буенча ведомствоара координация комитетының эшче төркеме әгъзалары белән утырыш узды.

2008 елның 25 августында Татарстан Республикасы Юстиция министрлыгында ТР Министрлар Кабинеты каршында Баш архив идарәсенең “Татарстан Республикасы Министрлар Кабинеты каршында Баш архив идарәсенең 20.11.2007 елдагы 030 номерлы боерыгы белән расланган, архив белешмәләре, архивтан өземтәләр, архив документларның күчермәләрен бирү буенча дәүләт хезмәте күрсәтү административ регламентына үзгәртмәләр кертү турында” 2008 елдагы 14 августыннан 014 номерлы боерыгы теркәлде (теркәү номеры 395).

Татарстан Республикасы норматив хокукый актларының бердәм банкы бүлегенең әйдәп баручы киңәшчесе Нуруллина Э.К. 2008 елның 10 сентябрендә Хезмәт, халыкны эш белән тәэмин итү һәм социаль яклау министрлыгының Татарстан Республикасы Юстиция министрлыгында дәүләт теркәве узарга тиешле норматив хокукый актларын сайлап алу буенча эшен тикшерүне башкарды.

Дәүләт Думасы депутатлары тәмәке җитештерүчеләр белән көрәштә Роспотребнадзор башлыгын хупладылар һәм илебездә тәмәкегә таләпләрне кырысландыруны вәгъдә итәләр.