ЯҢАЛЫКЛАР

Прокурорлар күптән сөйләгәннәр чынга ашты – Генпрокуратура халык арасыннан теләк белдерүче затлар ярдәменә таянып, коррупция белән системалы көрәш башлады. Кичә Интернетта ведомство сайтында “Коррупция белән көрәш” махсус бите ачылды, анда теләге булган һәркем коррупция фактлары турында хәбәр итә ала.

Бүген Татарстан Республикасы Юстиция министрлыгында Татарстан Республикасы Юстиция министрлыгының Коррупциягә каршы сәясәт стратегиясен гамәлгә ашыру мәсьәләләре буенча даими эшче төркем утырышы булды, анда ТР Юстиция министрлыгы эшче төркеменең 2008 елга эш планына кертелгән чараларны гамәлгә ашыру турында мәсьәлә карап тикшерелде.

2007 елның 29 декабрендә РФ Хөкүмәте “Россия Федерациясе гражданнарының аерым категорияләренә РФ Саклык банкында кертемнәр буенча 2008 елда компенсация түләүләрен гамәлгә ашыру тәртибе турында” 1002 номерлы карар кабул итте.

Бүген Татарстан Республикасы юстиция министры М.М.Корманов Коррупциягә каршы сәясәтне гамәлгә ашыру буенча республика советы утырышында чыгыш ясады, ул Казан Кремленең Вәкил корпусында булды.

Бүген ТР Юстиция министрлыгында министр урынбасары А.А.Ощепков рәислегендә ТР Юстиция министрлыгының Хокукый мәсьәләләр буенча җирле үзидарә органнары белән багланышлар оештыру департаментының ТР Теләче муниципаль районы буенча җирле үзидарә органнары эшчәнлегенә хокукый ярдәм күрсәтү бүлеге әйдәүче белгеч-эксперты Татарстан Республикасы дәүләт граждан хезмәте вакантлы вазыйфасын биләп торуга конкурс үтте.

Кичә Татарстан Республикасы Дәүләт Советында эшче төркем утырышы булды, анда “Ксенофобиягә каршы тору турында” Татарстан Республикасы закон проекты хакында фикер алышынды.

Россиянең сайланган Президенты Дмитрий Медведев суд төзелеше турында законны тизрәк кабул итәргә кирәк дип саный. “Бүгенге көнгә кадәр гомуми юрисдикциядәге судлар төзелеше турында яңа конституциячел закон кабул ителмәгән. Чынлыкта монда “Совет заманының көйләнгән законнары” гамәлдә. Безгә тулы документ әзерләргә кирәк һәм моны якын арада башкару мөһим”, - диде ул Россия Югары Суды төзелүнең 85 еллыгына багышланган җыелышта чыгыш ясап.

Күпчелек юридик вузлар һәм факультетлар иҗтимагый аттестациядән соң ябылырга мөмкиннәр, аны Россия юристлары ассоциациясе (РЮА) Мәгариф һәм фән министрлыгы белән бергә үткәрә. Бу хакта “ГАЗЕТА”да интервьюсында РЮАның рәистәше, вузларны иҗтимагый аттестацияләү буенча эшче төркем җитәкчесе академик Олег Кутафин хәбәр итте.

Дәүләт Думасы өченче, законның соңгы укылышында, банклар кредитлаганда халыкның мәнфәгатьләрен яклау механизмын төзи торган закон кабул итте.

Кичә Алексеевск муниципаль районында Татарстан Республикасы Дәүләт Советының Законлылык, регламент һәм дәүләт этикасы комитетының күчмә утырышы булды, анда “Татарстан Республикасы җәмәгать судьялары турында”, “Татарстан Республикасында суд участокларын һәм җәмәгать судьялары вазыйфаларын булдыру турында” ТР Законнарын тормышка ашыру һәм аларның Алексеевск, Әлки, Спас һәм Чистай муниципаль районнарында гамәлдә булулары нәтиҗәлелеге мәсьәләсе карап тикшерелде.