ЯҢАЛЫКЛАР

Бүген Татарстан Республикасы Дәүләт Советында узган киңәшмәдә административ комиссияләр эшчәнлегенең гамәли мәсьәләләре турында фикер алыштылар, хәзерге вакытта аларны төзү һәм эшчәнлекләрен оештыру муниципаль районнарның һәм шәһәр округларының җирле үзидарә органнарына тапшырылган.

2007 елның 27 декабрендәге 256 номерлы РФ Юстиция министрлыгы боерыгы белән  җирлекләрнең җирле администрацияләре башлыклары һәм җирлекләрнең җирле үзидарә органнарының махсус вәкаләтле вазыйфаи затлары тарафыннан нотариаль гамәлләр башкарылу тәртибе турында кулланма расланды. Боерык 2008 елның 15 гыйнварыннан көченә керә. 1996 елның 19 мартында расланган Кулланманың элеккеге редакциясе көчен югалткан дип таныла.

Кулланма 1993 елның 11 февралендәге 4462-1 номерлы нотариат турында Россия Федерациясе законнары нигезләренең 39 статьясының өченче өлеше нигезендә эшләнгән.

Татарстан Республикасында гражданнарга социаль-хокукый ярдәм һәм агарту буенча консультация үзәкләре үзләренең эшләрен дәвам итәләр, аларда гражданнарны 2007 елның сентябреннән алып ТР Юстиция министрлыгыннан, ТРда Суд Департаменты Идарәсеннән, ТР Адвокат палатасыннан 220 юрист кабул итә. Юридик ярдәм телдән консультация рәвешендә күрсәтелә, шулай ук гражданнарның язма гаризалары карап тикшерелә.

2008 елның 11 гыйнварында Кремльдә Татарстан Президенты Аппараты җитәкчесе Ю.З.Камалтынов рәислегендә Коррупциягә каршы сәясәтне тормышка ашыру буенча Республика Советының чираттагы утырышы булды, аның эшендә ТР юстиция министры, югарыда әйтелгән Совет әгъзасы М.М. Корманов катнашты.

Бу елда үзенең беренче утырышында Россия Хөкүмәте “Бөтендөнья сәламәтлек саклау оешмасының Тәмәкегә каршы көрәш буенча Рама конвенциясенә кушылу турында” федераль закон проектын хуплады. Бу конвенция тәмәке эшләнмәләрен сатуны һәм иганәне стимуллаштыручы барлык рекламаны тулысынча тыюны күздә тота.

Бүген ТР Юстиции министрлыгында «Россия юристлары ассоциациясе» Гомумроссия иҗтимагый оешмасының Татарстан төбәк бүлеге советы утырышы булды.

Кичә Татарстан Республикасы Юстиция министрлыгында ТР Юстиция министрлыгының Коррупциягә каршы сәясәте стратегиясен гамәлгә ашыру мәсьәләләре буенча даими эшче төркем утырышы булды, анда коррупциягә каршы сәясәт стратегиясен гамәлгә ашыру буенча төгәл гамәлләр башкару буенча Министрлык эшенә йомгак ясалды.

Бүген ТР юстиция министры М.М.Корманов ТР Юстиция министрлыгының коллегия утырышын оештыру мәсьәләсе буенча эш киңәшмәсе үткәрде. 2008 елның 19 гыйнварына билгеләнгән коллегия утырышында 2007 елда Минюст эшчәнлегенә нәтиҗәләр чыгарылачак.

Бүген ТР юстиция министрының беренче урынбасары С.Н.Столяров татар телендәге электрон китапханәнең тулы текстлы форматка күчерү мәсьәләсе турында фикер алышынган эш киңәшмәсе үткәрде.

Товарларга, ашамлыкларга һәм хезмәт күрсәтүләр өчен бәяләр үзгәрү белән бәйле, 2008 елның 1 гыйнварыннан Казан шәһәр Думасының 2007 елның 19 декабрендәге 17-26 номерлы карары белән Казан шәһәре бюджетыннан финанслана торган мәктәпкәчә мәгариф учреждениеләрендә бер баланы тоту өчен ата-аналар түләве күләме уртача 10% ка артты.