ЯҢАЛЫКЛАР

2007 елның 24 декабрендәге 62-ТРЗ номерлы Татарстан Республикасы Законы белән “Татарстан Республикасында опека һәм попечительлек органнары эшчәнлеген оештыру турында” ТР Законына үзгәрешләр кертелде.

“Россия Федерациясе гражданнарының мөрәҗәгатьләрен карап тикшерү тәртибе турында” Федераль закон һәм “Татарстан Республикасында гражданнарның мөрәҗәгатьләре турында” Татарстан Республикасы Законы нигезендә Юстиция министрлыгы җитәкчелеге, Министрлыкта гражданнарны кабул итүнең билгеләнгән көннәреннән тыш, даими рәвештә республика районнарына чыга, анда министр һәм аның урынбасарлары җирле халык белән очрашалар, аларны кызыксындырган сорауларга җавап бирәләр, урыннарда аларның проблемаларын хәл итү чараларын кабул итәләр.

Хезмәт һәм эш белән тәэмин итү буенча федераль хезмәт россиялеләрнең киләсе елда кайсы көннәрдә ял итәчәкләрен хәбәр итте. 2008 елда гражданнар узган елга караганда күбрәк ял итә алачаклар.

Декабрь – иң яраткан бәйрәмгә әзерләнү ае булуга карамастан, җирле үзидарә органнары хокук төзү эшчәнлеге белән дә актив шөгыльләнәләр.

Матур гадәт буенча, бүген Татарстан Республикасы Юстиция министрлыгында Министрлык хезмәткәрләре балалары өчен чыршы бәйрәме булды. Бәйрәмне юстиция министры М.М.Корманов ачып җибәрде. Министрлыкта эшләүче әтиләр һәм әниләр, әбиләр һәм бабайлар исеменнән ул балаларны матур кыш айлары һәм якынлашып килүче серле Яңа ел бәйрәме белән котлады һәм күңелле ял теләде.

Татарстан Республикасы Юстиция министрлыгы эшчәнлегенең мөһим юнәлешләренең берсе булып республиканың башкарма хакимият органнарының норматив хокукый актларын дәүләт теркәвенә алу тора. Дәүләт теркәвенә алуны гамәлгә ашыру һәм Татарстан Республикасы норматив хокукый актлары реестрын алып бару башкарма хакимият органнары чыгара торган актларның законлылыгын тәэмин итә, чөнки алар дәүләт теркәвенә алуга биргән һәр норматив хокукый акт законнарга туры килү предметына җентекләп анализлана.

2007 елның 21 декабрендә 3427-III-ГС номерлы Татарстан Республикасы Дәүләт Советы карары кабул ителде, ул 2008 елга Татарстан Республикасы Дәүләт Советында Закон проектлары белән эшләүнең якынча планын раслый.

“Сәламәтлек” өстенлекле илкүләм проектын гамәлгә ашыру кысаларында киләсе 2 елда Хөкүмәт пациентларның хокукларын яклау институтларын һәм җаваплы медицина хезмәткәрләрен иминләштерү механизмнарын төзергә уйлый. Бу хакта РФ сәламәтлек саклау һәм социаль үсеш министры Т.Голикова өстенлекле илкүләм проектларын гамәлгә ашыру һәм демография сәясәте Советы президиумы утырышында хәбәр итте.

Кичә федераль салым хезмәтенең Татарстан Республикасы буенча идарәсендә Татарстан Республикасында банкротлык процедураларының нәтиҗәлелеген күтәрү һәм Татарстан Республикасында арбитраж идарәчеләре эшчәнлеген контрольдә тоту мәсьәләләре буенча башкарма хакимият органнары һәм җирле үзидарә органнары багланышлары буенча эшче төркем утырышы булды.

ТР юстиция министрының беренче урынбасары С.Н.Столяров эшче төркем әгъзасы сыйфатында утырышта катнашты, анда арбитраж идарәчеләре эшен бәяләү критерийларын исәпләү методикасы расланды.