ЯҢАЛЫКЛАР

Бүген ТР юстиция министрының беренче урынбасары С.Н.Столяров Татарстан Республикасы Президентының Дәүләт һәм муниципаль идарә академиясендә чыгыш ясады, анда Татарстан Республикасы шәһәр һәм авыл җирлекләре башлыклары урынбасарлары укулары үтә.

Бүген Татарстан Республикасы Юстиция министрлыгында Татарстан Республикасы Алексеевск, Балык Бистәсе һәм Чистай муниципаль районнарының финанс-бюджет палаталары вәкилләре белән эш киңәшмәсе булды. Анда сүз яңа оешкан муниципаль районнарның җирле үзидарә органнарының һәм 2006 елның 1 гыйнварына кадәр күрсәтелгән муниципаль районнар территорияләрендә җирле әһәмияттәге мәсьәләләрне хәл итү вәкаләтләрен гамәлгә ашырган органнарның мөлкәти йөкләмәләре буенча бирү (бүлү) актларын раслау турында закон проектларын эшләп бетерү мәсьәләләре хакында барды.

“Дача амнистиясе” дип аталган процесс – Россиядә бакча кишәрлекләренә хокукларны рәсмиләштерү тәртибен гадиләштерү җир-төзелеш эшләренә бәяне төшергәннән соң тизрәк барачак, дип уйлый Росрегистрация башлыгы Владимир Васильев.

Татарстан Республикасы Юстиция министрлыгында ТР ЮМның Хокукый мәсьәләләр буенча җирле үзидарә органнары белән багланышлар оештыру департаментының Татарстан Республикасы дәүләт граждан хезмәте вакантлы вазыйфаларын биләп торуга конкурс комиссиясе утырышы булды.

Татарстан Республикасы юстиция министры М.М.Корманов оператив киңәшмә үткәрде, анда “Җирле үзидарәне формалаштыруның хәзерге этабында җирле үзидарә органнары, башкарма хакимиятнең территориаль органнары, иҗтимагый оешмалар багланышларының нәтиҗәле механизмнарын барлыкка китерү мәсьәләләре” бөтенроссия фәнни-гамәли конференциясен оештыру турында мәсьәлә каралды, ул 2007 елның 5 октябрендә Казанда «АК БАРС» “Яшьләр үзәге”нең концерт залында үтәчәк.

Кичә юстиция министры урынбасары - Хокукый мәсьәләләр буенча җирле үзидарә органнары белән багланышлар оештыру департаменты җитәкчесе А.А.Ощепков Саба муниципаль районында эш сәфәрендә булды, сәфәрнең максаты – территорияләр чикләрен үзгәртү буенча документлар әзерләү мәсьәләсендә хокукый ярдәм күрсәтү.

 Бүген Дәүләт Советының Татарстан Республикасы законнары гамәлдә булуның нәтиҗәлелеген бәяләү буенча комиссиясе утырышы узды, аның эшендә ТР юстиция министрының беренче урынбасары С.Н.Столяров катнашты.