ЯҢАЛЫКЛАР

Бүген ТР Юстиция министрлыгында типларын автономияле учреждениеләргә үзгәртүгә кандидатлар булып торучы ТР учреждениеләре җитәкчеләре һәм күзәтчелек советларына рәислеккә уйланылган кандидатлар белән семинар әзерләү һәм үткәрү мәсьәләсенә багышланган киңәшмә узды.

Бүген Татарстан Республикасы юстиция министры М.М.Корманов “Татарстан Республикасында чит ил инвестицияләре турында” Татарстан Республикасы Законына үзгәрешләр кертү хакында” Татарстан Республикасы законы проекты каралган ТР Министрлар Кабинеты Президиумы утырышында катнашты.

“Россия Федерациясендә судьялар статусы турында” Россия Федерациясе Законы һәм “Татарстан Республикасы дәүләт граждан хезмәте турында” Татарстан Республикасы Законы нигезендә Татарстан Республикасы Юстиция министрлыгы елына ике тапкыр җәмәгать судьялары һәм аларның аппаратлары хезмәткәрләре өчен квалификация күтәрү курсларын оештыра. “Россия суд эшчәнлеге академиясе”нең Казан филиалында мартта - җәмәгать судьялары, апрельдә - җәмәгать судьялары аппараты хезмәткәрләре (суд утырышлары секретарьлары, канцелярия җитәкчеләре, 2 разрядлы белгечләр) төркемендә дәресләр тәмамланды. Укуларны узучыларга квалификация күтәрү курсларын тәмамлау турында таныклыклар тапшырылды.

Кичә Татарстан Республикасы юстиция министры М.М.Корманов Татарстан Республикасында судьялар һәм суд участоклары санын арттыру мәсьәләсе буенча РФ Федераль Җыены Дәүләт Думасы Рәисенең Беренче урынбасары О.В.Морозов белән очрашты. Аннары Хөкүмәт йортында Россия Федерациясе Хөкүмәте рәисе урынбасары А. Жуков һәм Татарстан Республикасы Юстиция министры М.М.Корманов очрашуы булды. Анда Татарстан Республикасында җәмәгать судьялары санын 31 берәмлеккә арттыру турында сүз булды.

«Право и государство: теория и практика» журналы 2007 елның 3 санында юридик фәннәр кандидаты, доцент, ТР юстиция министры М.М.Кормановның “Федераль закон иҗат итү процессында РФ субъектының закон чыгару органы һәм РФ Хөкүмәте багланышлары” мәкаләсен бастырып чыгарды. Анда Федераль закон иҗат итү барышында РФ субъектлары дәүләт хакимиятенең закон чыгару органнарының катнашуы мәсьәләләренә һәм аларның РФ Хөкүмәте белән багланышларындагы төп проблемаларга игътибар бирелгән.

Бүген Кремльдә Хәйрия эшчәнлеге мәсьәләләре буенча республика советы утырышы булды, анда ТР юстиция министры М.М.Корманов “Хәйрия эшчәнлеген законнарда җайга салуны камилләштерү турында” доклады белән чыгыш ясады.

Бүген ТР Юстиция министрлыгында җирле үзидарә органнарының мөлкәти йөкләмәләре буенча тапшыру актларын төзү, имзалау мәсьәләсенә багышланган киңәшмә узды. Анда Татарстан Республикасы муниципаль берәмлекләре вәкилләре һәм ТР Юстиция министрлыгының структур бүлекчәләре җитәкчеләре катнашты. Киңәшмәне Татарстан Республикасы юстиция министрының беренче урынбасары С.Н.Столяров ачып җибәрде.

Бүген ТР Авыл хуҗалыгы һәм азык-төлек министрлыгы конференц-залында ТР Дәүләт Советы Рәисе, «Бердәм Россия» ГСП ТТБ сәяси советы секретаре Ф.Х.Мөхәммәтшин республика министрлыклары дәүләт хезмәткәрләренең берничәсенә «Бердәм Россия» партия билетын тапшырды. Тантана башланыр алдыннан Ф.Х.Мөхәммәтшин Татарстан Рсепубликасының социаль-икътисадый үсеше турында, «Бердәм Россия» партиясенең Татарстандагы төбәк бүлеге эше турында һәм татарстан “бердәм россиялеләр”енең республикадагы күп кенә социаль әһәмияттәге проблемаларны хәл итүләре турында сөйләде.