ЯҢАЛЫКЛАР

2007 елның 6-7 апрелендә Татарстан Республикасы юстиции министрының беренче урынбасары С.Н.Столяров “Автоном учреждениеләр турында” Федераль законны Татарстан Республикасында гамәлгә ашыру хакында” ТР Президенты Указын гамәлгә ашыруга багышланган семинар-киңәшмәдә катнашты. Ул “Автоном учреждениеләр турында” Федераль законны эшләүчеләр – Югары икътисад мәктәбе проректоры Б.Л. Рудник һәм Югары икътисад мәктәбе – Мәгарифне үстерү институты Дәүләт идарәсенең гамәли икътисадый тикшерүләр һәм эшләнмәләр үзәге директоры урынбасары  Н.Я. Осовецкая катнашында Татарстан Республикасы Фәннәр академиясенең утырышлар залында узды.

2007 елның 4 апрелендә ТР юстиция министры М.М.Корманов ТР Дәүләт Советы вәкиле һәм ТР Министрлар Кабинеты вәкиле сыйфатында РФ Югары Судының Граждан эшләре буенча суд коллегиясе утырышында катнашты. Анда И.Г. Ибраһимов, А.М. Галимов һәм башка гражданнарның “Татарстан Республикасы Әлмәт районының һәм Әлмәт шәһәренең чикләрен үзгәртү турында” 03.09.2003 елдагы Татарстан Республикасы Дәүләт Советы карарына һәм “Әлмәт районының һәм Әлмәт шәһәренең чикләрен үзгәртүне раслау турында” 01.10.2003 елдагы Татарстан Республикасы Министрлар Кабинеты карарына дәгъва белдерүләре турында кассация шикаяте каралды.

Казан шәһәре мэриясенең яшел залында “Хокук һәм хәят” журналы Редакция советының чираттагы утырышы үтте. Анда берничә мәсьәлә каралды: узган 2006 ел йомгаклары, киләсе санның төп темалары турында фикер алышу һәм аларны раслау, иң яхшы материалга иҗади бәйгене озайту турында мәгълүмат һәм 2007 елның декабрь аена билгеләнгән журналның 95 еллыгына әзерлек мәсьәләләре.

«Законы России: опыт, анализ, практика» журналы 2007 елның 3 нче санында ю.ф.к., доцент, ТР юстиция министры М.М.Кормановның һәм ТР юстиция министрының беренче урынбасары С.Н.Столяровның “РФ субъектларының закон чыгару (вәкиллекле) органнары белән РФ Президенты арасындагы багланышлар” дигән мәкаләсен бастырып чыгарды. Анда РФ Президенты һәм РФ субъектларының закон чыгару органнары арасындагы багланышларның мөмкин булган формаларына анализ ясала һәм аларны гамәлгә ашыру практикасы гомумиләштерелеп бирелә.

Бүген Татарстан Республикасы Юстиция министрлыгында “Татарстан Республикасы Электрон Хөкүмәте” комплекслы проекты чараларын гамәлгә ашыру мәсьәләсе буенча эш киңәшмәсе булды. Анда “Электрон Хөкүмәт” комплекслы проектын гамәлгә кертүне координацияләүче эшче төркем җитәкчесе урынбасары, ТР Министрлар Кабинеты Аппаратының мәгълүмати-аналитик бүлеге җитәкчесе А.Н.Юртаев, “Мәгълүмати технологияләр үзәге” ДИ генераль директоры урынбасары А.Р.Хәйруллин, ТР Министрлар Кабинеты Аппаратының “Электрон Хөкүмәт” секторы хезмәткәрләре, “Татарстан Республикасы Электрон Хөкүмәте” проектын эшләүчеләр төркеме әгъзасы А.В.Устиновская катнашты.

2007 елның 3 апрелендә ТР Министрлар Кабинетында Хокукый мәсьәләләр буенча ведомствоара  координацияләү комитеты утырышы булды, анда Татарстан Республикасының тармак министрлыклары тарафыннан “ “Автоном учрежденияләр турында” Федераль законны Татарстан Республикасында тормышка ашыру чаралары хакында” 2007 елның 29 мартындагы ПУ-155 номерлы Татарстан Республикасы Президенты Указын үтәү барышы турында мәсьәлә каралды.

Хокукый мәсьәләләр буенча ведомствоара координацияләү комитетының Татарстан Республикасы муниципаль районнары һәм шәһәр округлары административ комиссияләре рәисләрен һәм секретарьларын укыту турында карары нигезендә Татарстан Республикасы Юстиция министрлыгы 2007 елның 30 мартында “Административ комиссияләр эшчәнлегенең актуаль мәсьәләләре” темасына семинар-киңәшмә үткәрде.

Бүген Татарстан Республикасы Юстиция министрлыгында коллегиянең ачык утырышы булды. Анда Татарстан Республикасы дәүләт хакимияте башкарма органнарының норма чыгару эшчәнлеге турында мәсьәләләр каралды. Утырышны ачып, ТР юстиция министры М.М.Корманов фикер алышуга чыгарылган теманың актуальлеген билгеләп үтте.

Татарстан Республикасы Юстиция министрлыгы, Татарстан Республикасы Прокуратурасы, Татарстан Республикасы Үзәк сайлау комиссиясе, Татарстан Республикасы Яшьләр эшләре, спорт һәм туризм министрлыгы һәм КонсультантПлюс челтәренең Татарстан Республикасында рәсми вәкиле - «Консалтинг, Информационные технологии» фирмасы ( КИТ фирмасы) яз көне традицион рәвештә Казан шәһәре югары уку йортларының юридик факультетлары студентлары конкурсын үткәрә. Конкурс Казан югары уку йортларының юридик факультетлары студентлары арасында юридик белгечлек буенча белем дәрәҗәсен һәм елның иң әйбәт студентын билгеләячәк.