ЯҢАЛЫКЛАР

Нотариуслар гражданнар турында белешмәләрне таныклау хокукын алдылар. Әлеге яңалык “Нотариат турында Россия Федерациясе законнары нигезләренә һәм “Россия Федерациясенең Консуллар уставы” Федераль законының 26 статьясына үзгәрешләр кертү хакында” 2011 елның 3 декабрендәге 386-ФЗ номерлы Федераль закон белән беркетелгән.

Президент “Дәүләт граждан хезмәтендә ротация кертелү белән бәйле Россия Федерациясенең аерым закон актларына үзгәрешләр кертү турында” Федераль законга кул куйды. Федераль закон 2011 елның 23 ноябрендә Дәүләт Думасы тарафыннан кабул ителде һәм 2011 елның 29 ноябрендә Федерация Советы тарафыннан хупланды (2011 елның 05 декабрендә имзаланды).

Татарстан Республикасы Министрлар Кабинетының “Айлык акчалата түләүләрне һәм түләүләрнең башка төрләрен индексацияләү турында” 2011 ел, 15 ноябрь, 937 нче карарында “Татарстан Республикасында халыкка адреслы социаль ярдәм күрсәтү турында» 2004 ел, 8 декабрь, ТРЗ-63 нче Татарстан Республикасы Законының 4 – 8 статьялары һәм Татарстан Республикасы Министрлар Кабинетының 2004 ел, 17 декабрь, 542 нче карары белән расланган Татарстан Республикасында халыкның аерым категорияләренә акчалата түләүләр, пособиеләр, субсидияләр һәм стипендияләр бирү тәртибе турындагы нигезләмәнең 50 нче пункты белән билгеләнгән айлык акчалата түләүләрне һәм аларның башка төрләрен индексацияләү коэффициентын 2012 елның 1 гыйнварыннан 1,06 күләмендә билгеләү каралган.

Татарстан Республикасы Юстиция министрлыгында дәүләт граждан хезмәткәрләрен биләп торган вазыйфаларына туры килүенә аттестацияләү булды. Аттестацияне, Татарстан Республикасы юстиция министры боерыгына ярашлы рәвештә, ТР җәмәгать судьялары аппаратының 11 хезмәткәре - дәүләт граждан хезмәткәрләре үтте.

2011 елның 3 декабрендә “Коррупциягә каршы тору өлкәсендә дәүләт идарәсен камилләштерү белән бәйле Россия Федерациясенең аерым закон актларына үзгәрешләр кертү турында” 2011 елның 21 ноябрендәге 329-ФЗ номерлы Федераль закон үз көченә керә. Аның белән Россия Федерациясенең бер төркем закон актларына үзгәрешләр кертелә, аерым алганда, “Россия Федерациясендә җирле үзидарә оештыруның гомуми принциплары турында” 2003 елның 6 октябрендәге 131-ФЗ номерлы Федераль законга.

Бүген Татарстан Республикасы юстиция министры М.М. Корманов Татарстан Республикасы Министрлар Кабинеты Президиумының 2011 елның 23 ноябрендә булган утырышы нәтиҗәләренә нигезләнеп әзерләнгән Татарстан Республикасы Министрлар Кабинеты күрсәтмәсе проекты буенча килештерү киңәшмәсен үткәрде.

2011 елның 1 декабрендә Россия Федерациясе Юстиция министрлыгының Татарстан Республикасы буенча идарәсендә Татарстан Республикасы Премьер-министрының беренче урынбасары – комитет рәисе Р.Ф.Моратов рәислегендә Хокук мәсьәләләре буенча ведомствоара координация комитеты утырышы булды.

Кичә Татарстан Республикасы юстиция министры М.М. Корманов һәм аның урынбасары Н.В.Рагозина Казан шәһәренең Идел буе районы җәмәгать судьялары һәм җәмәгать судьялары аппаратының (Габишев ур., 35 й. адресы буенча урнашкан 7-10 нчы номерлы һәм Авангард ур., 143 й. адресы буенча урнашкан 1-6 нчы номерлы суд участоклары) хезмәткәрләре белән очраштылар.