ЯҢАЛЫКЛАР

2010 елның 25 февралендә Татарстан Республикасы юстиция Министрлыгында, Татарстан Республикасы юстиция Министры урынбасары М.Х.Вафин рәислеге астында, административ-территориаль берәмлекләр, муниципаль берәмлекләр исемлекләренә һәм чикләренә, 2010 ел Бөтенроссия халык исәбен алуга әзерләнү һәм аны үткәрүдә ярдәм итү җөмһүрият комиссиясе картографиясенә аныклык кертү мәсьәләләре буенча эшче төркем киңәшмәсе узды.

Бүген Татарстан Республикасы Югары судында Татарстан Республикасы судларының, шул исәптән Татарстан Республикасының Югары судының, 2009 елдагы эшчәнлегенә нәтиҗә ясау буенча пресс-конференция узды. Пресс-конференциядә ТР Югары суды рәисе урынбасары, ТР судьялары Советы рәисе И.И.Гилязов, Югары суд рәисе урынбасары М.М.Хайруллин, Татарстан Республикасы Суд идарәсе департаменты башлыгы Д.З.Саляхов, Татарстан Республикасы Юстиция министры урынбасары А.Б.Сиразетдинов катнаштылар. Пресс-конференцияне Югары суд рәисе урынбасары И.И.Гилязов ачып җибәрде.

Дәүләт Думасы тарафыннан “Россия Федерациясенең аерым закон чыгару актларына процессуаль чыгымнар кайтару мәсьәләсе буенча үзгәрешләр кертү турында” Федераль закон килештерү комиссиясе редакциясендә кабул ителгән иде. Искәртеп үтик, сенаторлар, законның кайбер нормалары нәзакәтсез формалаштырылган дип нигезләп, Дәүләт Думасы кабул иткән законны кире кактылар. Нәтиҗәдә парламентарийлар әлеге закон чыгару инициативасын эшләп тәмамлау буенча килештерүче комиссия булдырдылар.

Бүген Татарстан Республикасы Юстиция министрлыгында киңәшмә узды. Анда булган мәсьәләләр һәм аларны хәл итү юллары, шулай ук торак-коммуналь хуҗалык өлкәсендә контрольдә тотуны оештыру белән бәйле мәсьәләләр хәл ителде.

Татарстан Республикасы Юстиция министрлыгында Татарстан Республикасының җәмәгать судьялары аппаратында Татарстан Республикасы дәүләт граждан хезмәтенең вакант вазыйфаларын биләп торуга конкурс узды.