ЯҢАЛЫКЛАР

Татарстан Республикасының 2009-2011 елларга Коррупцягә каршы стратегиясен гамәлгә ашыру буенча Республика программасын гамәлгә ашыру йөзеннән Татарстан Республикасы Юстиция министрлыгындареспублика һәм муниципаль норматив хокукый актларына һәм аларның проектларына коррупциягә каршы экспертиза үткәрергә җәлеп ителә торган затлар өчен өйрәтү семинарын оештыру мәсьәләсе буенча киңәшмә узды.

16-20 февраль көннәрендә Татарстан Республикасы Мәгариф һәм фән министрлыгында “Социаль ятимлекне профилактикалау һәм балалар хокукын яклау буенча опека һәм попечительлек органнары эшчәнлегендә яңа караш” республика семинар-киңәшмәсе уза.

Татарстан Республикасы юстиция министрының беренче урынбасары С.Н.Столяров Татарстан Республикасы Икътисад министрлыгының коллегия утырышында катнашты һәм Татарстан Республикасы Юстиция министрлыгының 2008 елдагы эшчәнлек нәтиҗәләре һәм 2009-2011 елларга эшчәнлекнең төп юнәлешләре турындагы доклад белән чыгыш ясады.

Татарстан Республикасы Юстиция министрлыгында ТР юстиция министры М.М.Корманов рәислегендә Татарстан Республикасының Административ-территориаль төзелеше Белешмәлеге проектын бастыруга әзерлек буенча киңәшмә узды.

Җомга, 20 февраль көнне РФ Конституция Суды рәисен сайлаулар булачак. Өч ел элек сайланган Валерий Зорькинның вәкаләтләре вакыты 20 февральдә тәмамлана.

“Россия Федерациясе Җинаятьләр кодексының 264 статьясына үзгәреш кертү турында” 2009 елның 13 февралендәге 20-ФЗ номерлы Федераль закон нигезендә исерек килеш йөртүче тарафыннан юл йөрү кагыйдәләрен бозган өчен җинаять җаваплылыгы катгыйланган.

Бүген Татарстан Республикасы юстиция министры М.М.Корманов рәислегендә Татарстан Республикасы Юстиция министрлыгы коллегиясе утырышы узды. Аның барышында Татарстан Республикасының башкарма хакимият органнарының закон проектлары эшчәнлеге һәм норматив хокукый актларын дәүләт теркәве эше торышы һәм аларны массакүләм мәгълүмат чараларында бастырып чыгару кебек мәсьәләләр тикшерелде.

27.01.2009 елдагы 28 номерлы Россия Федерациясе Хөкүмәте Карары нигезендә “Юл йөрү кагыйдәләре турында” 1993 елның 23 октябрендәге 1090 номерлы Министрлар Советы – Россия Федерациясе Хөкүмәте карарына үзгәрешләр кертелде.

Кичә Татарстан Республикасы Юстиция министрлыгы командасы “Хезмәт резервлары” стадионы территориясендә узган “Россия чаңгы юлы – 2009” Бөтенроссия массакүләм чаңгы ярышында катнашты. Стартка ТР юстиция министры М.М.Корманов, аның урынбасарлары, структур бүлекчә җитәкчеләре һәм белгечләр чыкты.

2009 елның 9 февралендә Россия Федерациясе Президенты “Дәүләт органнары һәм җирле үзидарә органнары эшчәнлеге турындагы мәгълүматка керүне тәэмин итү хакында” 8-ФЗ номерлы Федераль законга кул куйды, аның нигезендә дәүләт органнары һәм җирле үзидарә органнары эшчәнлеге турындагы мәгълүматка граждан һәм оешмаларның керә алуының бердәм тәртибе билгеләнә.