ЯҢАЛЫКЛАР

2009 елның 9 февралендә Россия Федерациясе Президенты “Хәрби бурыч һәм хәрби хезмәт турында” Федераль законының 38 статьясына үзгәрешләр кертү хакында” һәм “Хәрби хезмәткәрләр статусы турында” Федераль законының 23 һәм 28.5 статьяларына үзгәрешләр кертү хакында” Федераль законнарына кул куйды, алар нигезендә хәрби хезмәт үтү турындагы беренче контракт төзү кагыйдәләренә үзгәрешләр кертелде.

“2009 елның 1 мартында дүртенче чакырылыш Татарстан Республикасы Дәүләт Советы депутатларын сайлау буенча Казан шәһәре территориясендә сайлау участокларын оештыру турында” 2009 елның 12 гыйнварындагы 8 номерлы Казан шәһәре муниципаль берәмлеге Башкарма комитеты җитәкчесе карары нигезендә Казан шәһәре территориясендә дүртенче чакырылыш Татарстан Республикасы Дәүләт Советы депутатларын сайлау буенча 448 сайлау участогы оештырылды.

Татарстан Республикасы Президенты М.Ш.Шәймиев кул куйган “Татарстан Республикасы Экология Кодексы” көченә керде.

Кичә Татарстан Республикасы Премьер-министры Р.Н.Миңнеханов рәислегендә Татарстан Республикасы Министрлар Кабинеты утырышы узды. Утырыш барышында закон чыгару эшчәнлеге тәҗрибәсе мәсьәләләре, министрлыклардагы башкарма дисциплина торышы һәм “Татарстан Республикасының Электрон Хөкүмәте” комплекслы проектын гамәлгә ашыру тикшерелде.

РФ Президентының матбугат хезмәте хәбәр иткәнчә, Д.Медведев сәяси партия әгъзаларының минималь исәбен этаплап киметү белән бәйле рәвештә, “Сәяси партияләр турында” Федераль законга үзгәрешләр кертү хакында” федераль закон проектын Дәүләт Думасына кертте.

Россия Президенты Д.Медведев югары һөнәри белем бирү һәм студентларга ярдәм күрсәтү мәсьәләләре буенча түбәндәге эчтәлекле Йөкләмәләр исемлеген имзалады:

“2009 елда бердәм дәүләт имтиханнары вакытын һәм аны үткәрүнең бердәм расписаниесен, һәр фән буенча аның дәвам итү вакыты һәм бердәм дәүләт имтиханында куллану рөхсәт ителгән өстәмә җиһаз һәм материаллар исемлеген раслау турында” 2009 елның 19 гыйнварындагы 74 номерлы Мәгариф һәм фән өлкәсендәге Федераль хезмәт боерыгы нигезендә 2009 елда бердәм дәүләт имтиханнарын (БДИ) үткәрү вакыты билгеләнде.

Россия Федерациясе Конституция Суды дәүләт граждан хезмәте турындагы федераль закон нигезләмәләренең РФ Конституциясенә тулысынча тәңгәл килүен таныды.

Әлеге нигезләмәләр түрәләрне законда бәян ителгән аерым очраклардан тыш конкурссыз билгеләү мөмкинлеген бирми.

“Бердәм Россия” партиясе депутаты Ирина Яровая белем алу турындагы документ сыйфатында ватандашларыбызның чит илләрдәге уку йортларында югары белем алу хакындагы дипломнарны гына түгел, башлангыч һәм урта һөнәри белем алу һәм фәнни дәрәҗәләр алу турындагы таныклыкларны  да танырга тәкъдим итә. “Чит илләрдә яшәүче ватандашларыбызга карата РФ дәүләт сәясәте турында” законына төзәтмәләрне депутат чәршәмбе көнне кертте дип хәбәр итә РИА Новости.