ЯҢАЛЫКЛАР

Торак сатып алу яки төзелеш өчен заем яки ссуда алган гражданнар тиздән кредитларын вакытыннан алда түли алачаклар. РФ Гражданнар кодексының 821 статьясына үзгәрешләр кертәчәк тиешле закон проекты Дәүләт Думасына кертелде. Законның яңа редакциясе буенча кредит килешүе көчен туктату өчен банк килешүе таләп ителми.

02.02.2009 елдагы 54 номерлы Татарстан Республикасы Министрлар Кабинеты карары нигезендә Вафин Минфаикъ Харис улы Татарстан Республикасы юстиция министры урынбасары – Хокук мәсьәләләре буенча җирле үзидарә органнары белән үзара хезмәттәшлекне оештыру департаменты җитәкчесе вазыйфасына билгеләнде.

Бүген Мәскәүдә Россия Федерациясе Хисап палатасы бинасында “Россия юристлары ассоциациясе” иҗтимагый оешмасының III съезды уза. Аның эшендә “Россия юристлары ассоциациясе” Гомумроссия иҗтимагый оешмасының Татарстан төбәк бүлекчәсе рәисе буларак делегат буларак Татарстан Республикасы юстиция министры М.М.Корманов катнаша. Дмитрий Медведев съезд эшендә катнашучыларга һәм кунакларга үз сәламләвен юллады.

2009 елның 21 гыйнварында Татарстан Республикасы Президенты Татарстан Республикасы Дәүләт Советы тарафыннан 2008 елның 15 декабрендә кабул ителгән “Балигъ булмаганнарның җәмәгать тәрбиячеләре турында” 7-ТРЗ номерлы Татарстан Республикасы Законына кул куйды.

Мәгариф турындагы РФ законнары нигезендә 2009 елның 1 гыйнварыннан республикага Россия Федерациясенең мәгариф өлкәсендәге аерым вәкаләтләре бирелде.

РФ Дәүләт Думасының конституция законнары һәм дәүләт төзелеше комитеты рәисе Владимир Плигин (“Бердәм Россия”) белдергәнчә, “Россия Федерациясендә җирле үзидарә оештыруның гомуми принциплары турында” федераль законына үзгәрешләр кертү хакында” закон проекты белән “муниципаль берәмлек башлыкларын отставкага җибәрү институты булдырыла”.

Депутатлар төркеме “балигъ булмаганнарга алкогольле продукция, сыра һәм тәмәке сатуны кисәтү максатларында” Административ хокук бозулар турында РФ Кодексына үзгәрешләр кертә торган закон проектын Дәүләт Думасына керттеләр.

Кичә Татарстан Республикасы юстиция министры урынбасары Ә.Б.Сираҗетдинов Татарстан Республикасы Судьялары советының республика судларын финанслау мәсьәләсенә багышланган утырышында катнашты.

Татарстан Республикасы муниципаль районнары һәм шәһәр округларында кылына торган административ хокук бозуларны профилактикалау мәсьәләсе буенча киңәшмәне Татарстан Республикасы юстиция министры, Хокук мәсьәләләре буенча ведомствоара координация комитетының эшче төркеме җитәкчесе М.М.Корманов уздырды.