ЯҢАЛЫКЛАР

Бүген Татарстан Республикасы Юстиция министрлыгының конкурс комиссиясе утырышы узды.

Татарстан Республикасы Юстиция министрлыгында ТР Юстиция министрлыгының Коррупциягә каршы сәясәте стратегиясен гамәлгә ашыру мәсьәләләре буенча даими эшче төркем утырышы узды. Эшче төркем әгъзалары 2009-2011 елларга Татарстан Республикасының Коррупциягә каршы сәясәте стратегиясен гамәлгә ашыру буенча ТР Юстиция министрлыгы Программасы нигезләмәләрен гамәлгә ашыру йөзеннән эшләнгән 2009 елга эш планы проекты буенча фикер алыштылар.

Татарстан Республикасы Дәүләт Советына сайлаулар алдыннан предприятие һәм учреждениеләрдә хезмәт коллективларында җыелышлар үткәрү графигы нигезендә Татарстан Республикасы Юстиция министрлыгы җитәкчелеге Бөгелмә муниципаль районының хезмәт коллективлары белән очрашты.

Татарстан Республикасы Юстиция министрлыгында ТР юстиция министры М.М.Корманов рәислегендә эшлекле өч киңәшмә узды, алар барышында Татарстан Республикасы Президенты Указларын гамәлгә ашыру турында фикер алыштылар. Аерым алганда, “Татарстан Республикасы административ комиссияләре эшчәнлеге мәсьәләләре” 19.01.2009 елдагы ПУ-18 номерлы Татарстан Республикасы Президенты Указын гамәлгә ашыру хакында фикер алыштылар.

Кичә ТР Икътисад министрлыгы коллегиясе утырышында 2008 елда Татарстан Республиксының социаль-икътисадый үсешенә нәтиҗәләр чыгарылды һәм 2009 елга бурычлар билгеләнде. Коллегия эшендә ТР Премьер-министры Р.Н.Миңнеханов катнашты.

2009 елның 13 гыйнварында Татарстан Республикасы Президенты М.Ш.Шәймиев Татарстан Республикасы Дәүләт Советы тарафыннан 2008 елның 15 декабрендә кабул ителгән 4-ТРЗ номерлы “Татарстан Республикасының Гаилә Кодексы”на кул куйды.

Татарстан Республикасы Дәүләт Советына узачак сайлаулар белән бәйле рәвештә ТР Дәүләт Советы Рәисе, “Бердәм Россия” Гомумроссия сәяси партиясенең Татарстан төбәк бүлекчәсе Сәяси советы секретаре 2009 елның 24 гыйнварында Бөгелмә муниципаль районында эшлекле сәфәр белән булып кайтты. Ф.Х.Мөхәммәтшинның Бөгелмә муниципаль районы халкы белән очрашуы Бөгелмә шәһәренең Техника йортында узды.

2008 елның 29 декабрендәге 2303-р номерлы Татарстан Республикасы Министрлар Кабинеты карары нигезендә Татарстан Республикасы территориясендә телевизион сигналлар кабул итү челтәренең гарантияле ышанычлылыгын камилләштерү һәм булдыру чаралары билгеләнгән.

“Татарстан Республикасы дәүләт торак фондыннан һәм социаль наймга алу килешүләре буенча муниципаль торак фондтан торак биналар бирүгә граждан хокукларын гамәлгә ашыру турында” Татарстан Республикасы Законына үзгәрешләр кертелде.

“Казан шәһәренең Йортлар салу һәм җирдән файдалану кагыйдәләренә үзгәрешләр һәм өстәмәләр кертү хакында” 2008 елның 18 декабрендәге 4-37 номерлы Казан шәһәр думасы карары нигезендә индивидуаль һәм кече катлы торак йортлар салу зоналарында, шулай ук халыкка хезмәт күрсәтү зонасында күчемсез милектән махсус килешү таләп итмичә файдалануның рөхсәт ителгән төп төрләренә торак йортлар салу, мәктәпләр һәм кибетләр белән тәэмин ителеш нормалары буенча кирәк булган очракларда мәктәпкәчә балалар учреждениеләре кертелгән.