ЯҢАЛЫКЛАР
25
октябрь, 2007 ел
пәнҗешәмбе
“Татарстан Республикасында 2007 елны Хәйрия елы дип игълан итү турында” Татарстан Республикасы Президенты Указы нигезендә Татарстан Республикасы Юстиция министрлыгы хезмәткәрләре хәйрия ярдәме күрсәтүгә мохтаҗ учреждение – Яшел Үзән балалар йортында хәйрия чаралары үткәрү буенча билгеле бер оештыру эше үткәрде.
24
октябрь, 2007 ел
чәршәмбе
Кичә Татарстан Республикасы юстиция министры М.М.Корманов Татарстан Республикасы Президенты Аппаратының утырышлар залында узган Татарстан Республикасында Ярлыкау мәсьәләләре комиссиясе утырышында катнашты.
Узган атнада Татарстан Республикасы Дәүләт Советында “түгәрәк өстәл” утырышы булды, ул “Татарстан Республикасы дәүләт милли сәясәте концепциясе” дигән темага багышланган иде. Сүз милли җәмгыятьләрнең проблемалары һәм аларны хәл итү турында барды. “Түгәрәк өстәл”дә катнашучылар фикер алышуга чыгарылган теманың актуальлеген билгеләделәр һәм Татарстан Республикасы дәүләт милли сәясәте концепциясе проектын эшләүнең зарурлыгын нигезләделәр.
23
октябрь, 2007 ел
сишәмбе
Кичә РФ Федераль салым хезмәтенең ТР буенча идарәсендә банкротлык процедураларының нәтиҗәлелеген күтәрү һәм арбитраж идарәчеләре эшчәнлеген контрольдә тоту мәсьәләләренә багышланган башкарма хакимият органнары һәм җирле үзидарә органнары багланышлары буенча эшче төркем утырышы булды.
2007 елның 18 октябрендә Россия Федерациясе Федераль Җыенының Дәүләт Думасы тарафыннан “Россия Федерациясендә автомобиль юллары һәм юл эшчәнлеге турында һәм Россия Федерациясенең аерым закон актларына үзгәрешләр кертү хакында” Федераль закон кабул ителде.
2007 елның 17 октябрендә Федерация Советының 210 нчы пленар утырышында Россия Федерациясе дәүләт хакимияте органнары һәм РФ субъектларының дәүләт хакимияте органнары арасында вәкаләтләрне тәгаенләү өлешендә “Вәкаләтләр чикләүне камилләштерү белән бәйле Россия Федерациясенең аерым закон актларына үзгәрешләр кертү турында” Федераль законы хупланды. Законны ФСның Федерация эшләре һәм төбәкләр сәясәте комитеты рәисе Р.Алтынбаев тәкъдим итте.
22
октябрь, 2007 ел
дүшәмбе
2007 елның 15 октябреннән алып 20 октябренә кадәр Татарстан Республикасы норматив хокукый актларының бердәм банкы бүлегенә бердәм банкка кертү өчен 97 муниципаль хокукый акт кергән.
2007 елның 21 октябрендә Казанда “Батыр” спорт комплексында Татарстан АССР юстиция министры Ә.Г.Таҗетдинов истәлегенә багышланган Армия кул сугышы буенча Бөтендөнья турниры булды.Татарстан Республикасы Юстиция министрлыгы - турнирны гамәлгә куючыларның берсе. Татарстан Республикасы юстиция министры М.М.Корманов ярышларның бер номинациясендә акчалата бүләкне гамәлгә куйды һәм аны җиңүчегә шәхсән үзе тапшырды. Турнир ачылу көнендә мөхтәрәм кунак буларак Ә.Г.Таҗетдиновның хатыны Мәдинә Нәҗипова катнашты.
Бүген Россия суд эшчәнлеге академиясенең Казан филиалында өч ел элек укуларда булган яки әле яңа гына эшкә урнашкан консультантлар, өлкән белгечләр – канцелярия мөдирләре, 2 разрядлы белгечләр өчен квалификация күтәрү курслары башланды. Алар 2007 елның 2 ноябренә кадәр дәвам итәчәк.
Укуларны Татарстан Республикасы юстиция министрының урынбасары Ә.Б.Сираҗетдинов һәм ТР Юстиция министрлыгының җәмәгать судьялары белән оештыру-методика эше бүлеге җитәкчесе К.Е.Мышливец ачтылар.
20
октябрь, 2007 ел
шимбә
Киләсе елның 1 гыйнварыннан ташламадан файдаланучылар ала торган барлык бушлай даруларны даруханәләрдә табарга мөмкин булачак, - дип раслыйлар Россия сәламәтлек күзәтчелеге җитәкчеләре. Аларның сүзләре буенча, 2006 елгы дарулар кытлыгы булмаячак.
ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Хата таптыгызмы?
Сүзне яки җөмләне билгеләгез һәм CTRL+ENTER басыгыз