ЯҢАЛЫКЛАР

2007 елның 7-8 июнендә ТР юстиция министры урынбасары – Хокукый мәсьәләләр буенча җирле үзидарә органнары белән багланышлар оештыру департаменты җитәкчесе А.А.Ощепков Сәнәгатьтә икътисад һәм идарә институтында “Гамәлдәге һәм кабул ителә торган законнар яссылыгында Россия Федерациясе субъектлары һәм муниципаль берәмлекләре арасында вәкаләтләрне, мөлкәт һәм финанс йөкләмәләрен алмашу” программасы буенча кыска вакытлы укуда булды.

2007 елның 5-7 июнендә ТР юстиция министры урынбасары – Хокукый мәсьәләләр буенча җирле үзидарә органнары белән багланышлар оештыру департаменты җитәкчесе А.А.Ощепков “Татарстан Республикасында граждан җәмгыятен төзү факторы буларак җирле үзидарә үсеше: беренче адымнар, тәҗрибә, проблемалар” дигән темага “түгәрәк өстәл” утырышында катнашты. Ул анда “Татарстан Республикасы җирле үзидарә органнарына аерым дәүләт вәкаләтләрен бирүне хокукый җайга салу турында” дигән доклад белән чыгыш ясады.

“Татарстан Республикасы дәүләт граждан хезмәте турында” Татарстан Республикасы Законы нигезендә дәүләт хезмәткәрләре квалификацияләрен күтәрүгә хокукка һәм әлеге хокукны гамәлгә ашыру мөмкинлегенә ия. Агымдагы елның июнь аенда ТР юстиция министры киңәшчесе А.М.Чашин ике атна дәвамында Россия Федерациясе Президентының Россия дәүләт хезмәте академиясенең һөнәри яңадан әзерләү һәм квалификация күтәрү институтында “Милли һәм федератив багланышлар белән дәүләт идарәсе” темасына дәүләт хакимиятенең федераль һәм төбәк органнары җитәкчелек хезмәткәрләренең квалификациясен күтәрү курсларында укып кайтты.

Татарстан Республикасы юстиция министры М.М.Корманов Татарстан Республикасы Президенты М.Ш.Шәймиевнең РФ Конституция Суды Рәисе В.Д.Зорькин белән очрашуында катнашты, ул Казан Кремлендә Татарстан Республикасы Президенты Резиденциясендә үтте.

Бүген юстиция министры М.М.Корманов финанс, казначылык һәм салым органнарының республика киңәшмәсе эшендә катнашты. Анда 2007 елның 5 аена Татарстан Республикасы консолидацияләнгән бюджеты үтәлеше йомгаклары һәм 2007 елга ТР финанс, казначылык һәм салым органнары бурычлары мәсьәләләре каралды. Киңәшмәне ТР Финанс министрлыгы оештырды.

Кичә Татарстан Республикасы Министрлар Кабинетында Татарстан Республикасы Премьер-министрының беренче урынбасары Р.Ф.Моратов рәислегендә Хокукый мәсьәләләр буенча ведомствоара координацияләү комитетының чираттагы утырышы булды. Көн тәртибенә тугыз закон проектын карап тикшерү кертелгән иде.

Җәмәгать судьялары аппаратында эш башкаруны оештыруны өйрәнү һәм аның хезмәткәрләренә гамәли ярдәм күрсәтү максатларыннан бу елның май аенда ТР Юстиция министрлыгының җәмәгать судьялары белән оештыру-методик эш бүлеге белгечләре Аксубай һәм Чистай районнарында булып кайттылар.

Бүген ТР Юстиция министрлыгында Татарстан Республикасы юстиция министры М.М.Корманов рәислегендә Хокукый мәсьәләләр буенча ведомствоара координацияләү комитетының Эксперт советы утырышы узды. Көн тәртибенә түбәндәге закон проектларын карап тикшерү кертелгән иде:

Бүген Татарстан Республикасының Эшкуарлыкны үстерү агентлыгында «Хокук һәм хәят» иҗтимагый-хокукый һәм фәнни журналы редакция советының күчмә утырышы узды. Көн тәртибендә беренче яртыеллыктагы эш йомгаклары турында фикер алышу һәм алдагы киләчәккә бурычлар, шул исәптән 2007 елның икенче яртысына язылу кампаниясе барышы турында; журналның быелның июлендә басылып чыгачак 4 (45) саны макетын тикшерү һәм раслау мәсьәләләре куелган иде.

Бүген ТР юстиция министры М.М.Корманов 2007 елның 27-28 июнендә Казанда “Россия Федерациясе гражданнары мөрәҗәгатьләрен карап тикшерү тәртибе турында” 2006 елның 2 маенда кабул ителгән Федераль законны гамәлгә ашыру буенча хокук куллану мәсьәләсенә багышланган Бөтенроссия гамәли конференциясен үткәрүнең оештыру мәсьәләләре турында фикер алышынган киңәшмә эшендә катнашты. Конференция үткәрү теләген Россия Федерациясе Президенты Администрациясе белдерде, ул гражданнарның конституциячел хокукларын һәм законлы мәнфәгатьләрен судтан читтә һәм судта яклауның безнең республикада тупланган зур тәҗрибәсенә бәйле. Искә төшерәбез, “Татарстан Республикасында гражданнар мөрәҗәгатьләрен карап тикшерү тәртибе турында” Татарстан Республикасы Законы 2003 елда кабул ителгән иде.