ЯҢАЛЫКЛАР

2007 елның 11 маенды Татарстан Республикасы Юстиция министрлыгында Хокукый мәьәләләр буенча җирле үзидарә органнары белән багланышлар оештыру департаментының 2006 елдагы һәм 2007 елның 1 кварталындагы эшенә йомгак ясауга багышланган эш киңәшмәсе булды.

Бүген Татарстан Республикасы Фәннәр академиясендә типлары үзгәртелергә мөмкин булган Татарстан Республикасы дәүләт учреждениеләре җитәкчеләре һәм автономияле учреждениеләрнең күзәтчелек советлары рәисләренә күз алдында тотылган кандидатлар белән семинар узды. Аңа ТР Мәгариф һәм фән министрлыгы, ТР Социаль яклау министрлыгы, ТР Мәдәният министрлыгы, ТР Сәламәтлек саклау министрлыгы, ТР Яшьләр эшләре, спорт һәм туризм министрлыгы учреждениеләре җитәкчеләре чакырылган иде.

9 майда республика шәһәрләре һәм районнарында совет халкы Бөек Ватан сугышында Җиңүенең 62 еллыгына багышланган бәйрәм чаралары үтте. ТР Хөкүмәте әгъзаларының традицион рәвештә республика районнарына бәйрәм уңаеннан узган тантаналарга чыгуларында ТР юстиция министры М.М.Корманов һәм аның урынбасарлары катнашты.

1 майда Татарстан Республикасы Хөкүмәте әгъзалары башлангычы белән Татарстан Республикасында игълан ителгән Хәйрия елы кысаларында республика инвалидларын инвалид коляскалары белән тәэмин итү буенча акция старт алды. Бөек Ватан сугышында Бөек Җиңү көне алдынннан республика Хөкүмәте әгъзалары үз акчаларына коляскалар сатып алырга һәм аларны мохтаҗларга, барыннан да элек Бөек Ватан сугышында катнашучыларга, шулай ук инвалид балаларга һәм социаль өлкә учреждениеләренә тапшырырга карар итте. Коляскаларны тапшыру 8-9 май көннәрендә, ТР Хөкүмәте әгъзалары традиция буенча районнарга чыкканда булды. 

Бүген, Бөек Җиңү көне алдыннан, Татарстан Республикасы Юстиция министрлыгы хезмәткәрләре, инде традиция буенча, Министрлыкның элекеге җитәкчеләре – Бөек Ватан сугышында катнашучылар, тыл хезмәтчәннәре каберләрендә булдылар, чәчәкләр салдылар.

Бүген Татарстан Республикасы Юстиция министрлыгында ТР юстиция министры М.М.Корманов рәислегендә Коррупциягә каршы сәясәтне тормышка ашыру буенча республика советының коррупциягә каршы экспертиза комиссиясе утырышы булды.

2007 елның 8 маенда ТР Юстиция министрлыгында ТР Юстиция министрлыгы Хокукый мәсьәләләр буенча җирле үзидарә органнары белән багланышлар оештыру департаментының Азнакай муниципаль районы буенча шәһәр округларының һәм муниципаль районнарның җирле үзидарә органнары эшчәнлегенә хокукый ярдәм күрсәтү бүлеге консультанты дәүләт граждан хезмәте вакантлы вазыйфасын биләп торуга Министрлыкның конкурас комиссиясе утырышы үтте.

ТР юстиция министры урынбасары Ә.Б.Сираҗетдинов Татарстан Республикасы Әлки районының Базарлы Матак авылында гражданнарны күчмә кабул итү үткәрде. Районда яшәүчеләр биргән сораулар спектры киң: җирләрне милеккә рәсмиләштерү, хезмәт хакы түләү, балаларның гражданлыгы, юл-транспорт һәлакәте турында дело буенча арбитраж суды эшләрен карау, ссуда түләү.

Кичә Татарстан Республикасының «Татмедиа» массакүләм коммуникацияләр агентлыгында ТР юстиция министрының беренче урынбасары С.Н.Столяров катнашында матбугат очрашуы булды. Анда Татарстан Республикасында автономияле учреждениеләр оештыру буенча проектлар төзү һәм аларны гамәлгә ашыру мәсьәләсе каралды.

Бүген ТР Юстиция министрлыгында “Муниципаль районнарның (шәһәр округларының) административ комиссияләре, балигъ булмаганнар эшләре һәм аларның хокукларын яклау буенча комиссияләре, опека һәм попечительлек комиссияләре (опекун советлары) эшчәнлегенең гамәли мәсьәләләре” дигән темага семинар-киңәшмә үтте. Анда Татарстан Республикасы муниципаль берәмлекләренең (шәһәр округларының) башкарма комитетлары җитәкчеләре чакырылган иде.