ЯҢАЛЫКЛАР

2007 елның 21 мартында Татарстан Республикасы Җир һәм мөлкәти мөнәсәбәтләр министрлыгында “Һәркем алырлык торак” өстенлекле илкүләм проектын тормышка ашыру кысаларында торак төзелеше өчен җир кишәрлекләре бирү мәсьәләләренә багышланган киңәшмә узды.

Эшче төркем утырышында ТР Юстиция министрлыгының әйдәүче киңәшчесе Е.В.Лопатина, шулай ук ТР Җир һәм мөлкәти мөнәсәбәтләр министрлыгыннан, ТР Дәүләт торак фондыннан, ТР Төзелеш, архитектура һәм торак-коммуналь хуҗалык министрлыгыннан вәкилләр катнашты.

21 мартта Чаллы шәһәрендә Хокукый мәсьәләләр буенча ведомствоара координацияләү комитетының күчмә утырышы узды. Анда Татарстан Республликасы Әгерҗе, Актаныш, Алабуга, Мамадыш, Менделеевск, Минзәлә, Түбән Кама, Тукай муниципаль районнарында һәм “Чаллы шәһәре” шәһәр округында хокук бозуларны профилактикалауның күпбуынлы комплекслы системасын төзү буенча эшнең торышы һәм аны активлаштыру чаралары турында мәсьәлә каралды. Башкарылган эш һәм Татарстан Республикасында хокук бозуларны профилактикалау турында ТР юстиция министры урынбасары К.Б.Мөхәммәтов һәм Татарстан Республикасы буенча җәмәгать куркынычсызлыгы милициясе җитәкчесе урынбасары В.А.Соколов сөйләделәр.

2007 елның 16 мартында Татарстан Республикасы юстиция министры вазыйфаларын башкаручы С.Н.Столяров Татарстан Республикасы Премьер-министрында узган Казан шәһәренең генераль планын эшләүне төгәлләү һәм раслау һәм янәшәдәге районнарны территориаль планлаштыру схемаларын төзү мәсьәләләре буенча киңәшмәдә катнашты. Сергей Николаевич киңәшмәдә катнашучыларның игътибарын карап тикшерелә торган мәсьәләнең гамәлдәге законнарга туры килүенең хокукый үзенчәлекләренә юнәлтте һәм аны тормышка ашыру механизмы турында сөйләде.

2007 елның 15 мартында Татарстан Республикасы Юстиция министрлыгында министрлыкның дәүләт граждан хезмәтенең вакантлы вазыйфаларын биләп торуга конкурс комиссиясе утырышы булды. Анда Татарстан Республикасы Юстиция министрлыгының хокукый мәсьәләләр буенча җирле үзидарә органнары белән багланышлар оештыру департаментының ТР Саба һәм Югары Ослан муниципаль районнары буенча шәһәр округларының һәм муниципаль районнарның җирле үзидарә органнары эшчәнлегенә хокукый ярдәм күрсәтү бүлегенең әйдәүче белгечләр - экспертлары сайланды.

14 мартта Чистай шәһәрендә ТР Хокукый мәсьәләләр буенча ведомствоара координацияләү комитетының күчмә утырышы үтте. Комитет әгъзалары “Татарстан Республикасы Кама аръягы зонасының муниципаль районнарында (Алексеевск, Әлки, Яңа Чишмә, Спас һәм Чистай муниципаль районнары) хокук бозулар профилактикасының күпбаскычлы комплекслы системасын төзү эшенең торышы һәм аны активлаштыру чаралары турында” мәсьәләне тикшерде.

2007 елның 13 мартында Татарстан Республикасы Дәүләт Советында “Халыкның сәламәтлеген саклау өлкәсендә иң мөһим юнәлеш буларак пациентлар иминлеге мәсьәләләре” темасына “түгәрәк өстәл” утырышы булды. Ул ТР Дәүләт Советының Сәламәтлек саклау өлкәсендә илкүләм проектны тормышка ашыруны контрольдә тоту комиссиясе тарафыннан оештырылган иде.

“Түгәрәк өстәл” эшендә ТР Юстиция министрлыгының Хокукый мәсьәләләр буенча җирле үзидарә органнары белән багланышлар оештыру департаменты җитәкчесе урынбасары И.Х.Миңнегулов катнашты. Чыгышының темасы -табибларның хокукларын яклау һәм сәламәтлек саклау учреждениеләренең кайбер хокукый мәсьәләләренә багышланган иде.

2007 елның 6 мартында ТР юстиция министры вазыйфаларын башкаручы  С.Н.Столяров 2006 ел йомгаклары буенча “Закон территориясе” конкурсы җиңүчеләрен һәм лауреатларын бүләкләү тантанасында катнашты. Ул Татарстан Республикасы ЭЭМның Мәдәни үзәгендә үтте.