ЯҢАЛЫКЛАР

Язның беренче ял көнендә Татарстан Республикасы Юстиция министрлыгы хезмәткәрләре чаңгы юлын “Имәнлек” урманында дәвам итте. Җиңелчә генә суык һәм язгы кояш үзенең матурлыгы белән тартып һәм күңелне биләп торучы кышкы урманга чакырды. Урманда кышкы ял һәм спорт төрләрен яратучылар бик күп җыелган. Алар арасында чанадагы өч яшьлек балалардан алып чаңгы юлы буйлап оста шуып килүче өлкән яшьтәге кешеләргә кадәр бар иде.

Бүген Татарстан Республикасы Юстиция министрлыгында Коррупциягә каршы сәясәтне тормышка ашыру буенча республика советының Коррупциягә каршы экспертиза комиссиясе утырышы булды. Анда “Вәкаләтләрне чикләүне камилләштерү белән бәйле Россия Федерациясенең аерым закон актларына үзгәрешләр кертү турында” 29.12.2006 елдагы 258-ФЗ номерлы Федераль законга туры китереп эшләнә торган Татарстан Республикасы законнары проектлары карап тикшерелде.

2007 елның 1 мартында Татарстан Республикасы Юстиция министрлыгында Хокукый мәсьәләләр буенча ведомствоара координацияләү комитеты тарафыннан төзелгән Татарстан Республикасы законнары проектларына хокукый экспертиза үткәрү буенча эшче төркем утырышы булды. Анда “Вәкаләтләрне чикләүне камилләштерү белән бәйле Россия Федерациясенең аерым закон актларына үзгәрешләр кертү турында” 29.12.2006 елдагы 258-ФЗ номерлы Федераль законга туры китереп эшләнә торган 10 Татарстан Республикасы законы проекты карап тикшерелде.

Бүген Татарстан Республикасы юстиция министрының беренче урынбасары С.Н.Столяров Татарстан Республикасы хуҗалык субъектларының тулай торакларында даими яшәүче гражданнарның проблемаларын өйрәнү буенча эшче төркемнең ТР Икътисад һәм сәнәгать министрлыгында узган киңәшмәсендә катнашты.

2007 елның 26 февралендә Татарстан Республикасы юстиция министрының беренче урынбасары С.Н.Столяров Татарстан Республикасы Мәгълүматлаштыру һәм элемтә министрлыгы коллегиясенең киңәйтелгән утырышында катнашты. Анда тармакның 2006 елдагы эшенә йомгак ясалды һәм 2007 елга бурычлар билгеләнде. Коллегиядә Сергей Николаевич “Дәүләт хакимиятенең башкарма органнары тарафыннандәүләт хезмәтләре күрсәтүнең административ регламентлары системасын эшләү турында” мәгълүматын җиткерде.

Татарстан Республикасы Юстиция министрлыгында “Вәкаләтләр чикләүне камилләштерү белән бәйле Россия Федерациясенең аерым закон актларына үзгәрешләр кертү турында” 29.12.2006 елдагы 258-ФЗ номерлы Федераль законны тормышка ашыру белән бәйле Татарстан Республикасы законнары проектларын эшләү буенча эшче төркемнәр утырышы булды.

Буа шәһәрендә Хокукый мәсьәләләр буенча ведомствоара координацияләү комитетының һәм ТР Дәүләт Советының законлылык, регламент һәм депутат этикасы комитетының күчмә утырышы булда. Анда “Муниципаль берәмлекләргә җирле әһәмияттәге мәсьәләләрне хәл итү өчен дәүләт матди ресурслары һәм дәүләт субсидияләре бирү турында” Татарстан Республикасы Законына үзгәрешләр кертү хакында” Татарстан Республикасы законы проекты турында” мәсьәләсе карап тикшерелде. ТР юстиция министры М.М.Корманов җиткергән мәгълүмат турында фикер алышканнан соң, Комитет әгъзалары закон проектын закон чыгару инициативасы тәртибендә Татарстан Республикасы Дәүләт Советына Татарстан Республикасы Министрлар Кабинеты тарафыннан кертү өчен тәкъдим итү карарына килделәр.

2007 елның 22 февралендә Татарстан Республикасы юстиция министрының беренче урынбасары С.Н.Столяров Биектау муниципаль районында “Бердәм Россия көне” акциясендә катнашты. Ул республика министрлыкларыннан башка вәкилләр белән бергә муниципаль берәмлекләрнең вәкиллекле органнары депутатлары белән очрашты һәм күпсанлы сорауларга җавап бирде.

2007 елның 21 февралендә Татарстан Республикасы юстиция министрының беренче урынбасары С.Н.Столяров Әгерҗедә һәм Әгерҗе муниципаль районында яшәүчеләр өчен күчмә кабул итү үткәрде.

Министрлык җитәкчелеге кабул итүенә барлыгы 19 кеше язылган иде. Район халкын нигездә торакны хосусыйлаштыру, яшәү урыны буенча теркәлү, тузган торактан күчеп китү, торакка субсидияләр кебек торак мәсьәләләре кызыксындырды. Кайберәүләр качакларның хокуклары һәм торак хезмәтләре эше мәсьәләләре белән кызыксынды.