ЯҢАЛЫКЛАР

2014 елның 23 июлендә Татарстан Республикасы Юстиция министрлыгында Татарстан Республикасы җәмәгать судьялары аппараты суд утырышы секретаренең, консультантының һәм 2 нче разрядлы өлкән белгече – канцелярия мөдире дәүләт граждан хезмәтенең вакантлы вазыйфаларын биләүгә конкурс узды.

2014 елның 22 июлендә Татарстан Республикасы Юстиция министрлыгында җәмәгать судьялары эшчәнлеген тәэмин итү бүлегенең әйдәүче белгече вазыйфасын биләүгә конкурс уздырылды.

Татарстан Республикасы Юстиция министрлыгы Татарстан Республикасы муниципаль районнарында ташландык, хуҗасыз транспорт чараларын ачыклау, исәпкә алу, күчерү, саклау, утильләштерү мәсьәләләрен җайга салучы муниципаль норматив хокукый актлар кабул итү мәсьәләсе буенча мәгълүмат җыелмасын туплады.

2014 елның 22 июлендә Татарстан Республикасы Юстиция министрлыгында Министрлык аппаратының дәүләт граждан хезмәткәрләренә класслы чиннар бирүгә квалификация имтиханнарын кабул итү буенча аттестация комиссиясе утырышы уздырылды.

2014 елның 22 июлендә Татарстан Республикасы Юстиция министрлыгында Татарстан Республикасы норматив хокукый актларының бердәм банкы бүлеге башлыгы вазыйфасына кадрлар резервына кертүгә конкурс уздырылды.

“Татарстан Республикасында коррупциягә каршы көрәш турында” 2006 елның 4 маендагы № 34-ТРЗ Татарстан Республикасы Законын үтәү йөзеннән, Татарстан Республикасы Министрлар Кабинетының 19.07.2014 № 512 карары белән “2015 – 2020 елларга Татарстан Республикасында коррупциягә каршы сәясәтне гамәлгә ашыру” дәүләт программасы расланды.

2014 елның 18 июлендә “Мәктәпкә әзерләнергә ярдәм ит” һәр ел саен уздырыла торган республика акциясе кысаларында Татарстан Республикасы юстиция министры Л.Ю. Глухова Балтач шәһәр тибындагы поселогында мәктәп портфельләре комплектларын тапшыру тантанасында шәхсән катнашты.

2014 елның 17 июлендә Татарстан Республикасы юстиция министры Л.Ю. Глухова Татарстан Республикасы буенча Баш федераль инспектор каршындагы киңәшмә эшендә катнашты. Киңәшмәдә каралган мәсьәләләрнең берсе – җирле үзидарә турындагы региональ законнарны федераль законнарга туры китерү эшен җайга салу.

“Татарстан Республикасында муниципаль берәмлекләрнең җирле үзидарә органнарына административ хокук бозулар турында беркетмәләр төзергә вәкаләтле вазыйфаи затлар исемлеген билгеләү буенча Татарстан Республикасы дәүләт вәкаләтләрен бирү турында” 30.07.2010 № 60-ТРЗ Татарстан Республикасы Законын үтәү йөзеннән, Министрлык тапшырылган дәүләт вәкаләтләрен башкару турында җирле үзидарә органнары тарафыннан тәкъдим ителгән хисап күрсәткечләре нигезендә 2014 елның II кварталына административ хокук бозулар турында беркетмәләр төзергә вәкаләтле вазыйфаи затлар эшчәнлегенә анализ ясады.

Татарстан Республикасы Министрлар Кабинетының 16.10.2013 № 764 карары белән расланган “2014 – 2020 елларга Татарстан Республикасында җәмәгать тәртибен тәэмин итү һәм җинаятьчелеккә каршы көрәш” дәүләт программасының “2014 елга Татарстан Республикасы Коррупциягә каршы сәясәтне гамәлгә ашыру” 5 нче өстәмә программасы чараларының үтәлешен тикшерү вәкаләтләрен гамәлгә ашыру кысаларында Татарстан Республикасы Юстиция министрлыгы башкаручылардан кергән мәгълүмат нигезендә Программа үтәлешенә квартал саен мониторинг уздыра, шулай ук бер елга расланган графиклар буенча айлык тикшерүләрне гамәлгә ашыра.