ЯҢАЛЫКЛАР
“Татарстан Республикасы җәмәгать судьялары турында” Татарстан Республикасы Законы таләпләре нигезендә җәмәгать судьялары өч елга бер мәртәбә үз квалификацияләрен күтәрәләр. Җәмәгать судьялары каравына керә торган эшләрнең зур агымы суд хакимияте органнарына халыкның арта барган ышанычын таныклый. Җәмәгать судьяларына арта барган йөкләнешкә бәйле рәвештә хөкемне гамәлгә ашыруда билгеле бер катлаулыклар килеп чыга, шуңа күрә җәмәгать судьяларының һәм җәмәгать судьялары аппаратлары хезмәткәрләренең квалификациясен күтәрү мәсьәләсе аеруча актуаль булып кала.
Кичә, 2013 елның 10 апрелендә, Татарстан Республикасы юстиция министры М.М. Корманов Балтач муниципаль районына эш визиты белән барды, анда ул халыкны шәхсән кабул итте. 8 балтачлы юстиция министрына үзләрен кызыксындырган сораулар белән мөрәҗәгать итте һәм, аларның хокукый ситуацияләренә бәйле законнарны аңлаткан килеш, төпле җаваплар алды.
Коррупциягә каршы мәсьәләләр буенча “Интернет” мәгълүмат-коммуникация челәрендә Татарстан Республикасы дәүләт хакимиятенең башкарма органнары сайтларын урнаштыруга һәм тулыландыруга карата бердәм таләпләр расланды (Татарстан Республикасы Министрлар Кабинетының 04.04.2013 № 225 карары белән).
Татарстан Республикасы Юстиция министрлыгы дәүләт граждан хезмәте вакантлы вазыйфасын биләп торуга конкурс игълан итә:
Казан (Идел буе) федераль университеты юридик факультетытының Попечительләр советы карары буенча Казан университеты каршында юридик факультетны тәмамлаучылар ассоциясе төзелә, шулай ук Казан университетына 210 ел тулуга багышланган җыентык чыгарырга планлаштырыла, анда иҗтимагый тормыш эшчәнлегенең төрле тармакларында уңышларга ирешкән юридик факультетны тәмамлаучылар эшчәнлеге чагылдырылачак.
“Россия Федерациясе Хөкүмәте каршындагы кануният һәм чагыштырма хокук белеме институты” федераль дәүләт фәнни-тикшеренү учреждениесе тарафыннан “Россия Федерациясе субъектларында коррупциягә каршы региональ программаларны гамәлгә ашыру практикасына анализ” нотыгы әзерләнде. Анализда коррупциягә каршы программаларның гомуми характеристикасы, коррупциягә каршы региональ программаларны гамәлгә ашыруның институциональ нигезләре һәм регионнарда коррупциягә каршы эшчәнлекне оештыру җитешсезлекләре бирелә.
Татарстан Республикасы Юстиция министрлыгы җирле үзидарә органнарының административ хокук бозулар турында беркетмәләр төзергә вәкаләтле вазыйфаи затлары, муниципаль берәмлекләрнең административ комиссияләре рәисләре һәм секретарьлары өчен укулар сериясе үткәрергә планлаштыра, бу укулар видеоконференция режимында республиканың барлык районнарын җәлеп итеп алып барылачак.
2013 елның 3 апрелендә Татарстан Республикасы юстиция министры М.М. Корманов киңәшмә уздырды, анда 2014-2020 елларга “Юстиция” Татарстан Республикасы дәүләт программасы проектын эшләү турындагы мәсьәлә каралды.
2013 елның 2 апрелендә Татарстан Республикасы Юстиция министрлыгында дәүләт граждан хезмәтенең Татарстан Республикасы Юстиция министрлыгының Хокук мәсьәләләре буенча җирле үзидарә органнары белән хезмәттәшлек департаметының 1 разрядлы өлкән белгече вакантлы вазыйфасын биләүгә конкурс уздырылды.
2011-2013 елларга Татарстан Республикасында Халыкка хокукый белем бирү һәм гражданнарга юридик ярдәм күрсәтү буенча озак сроклы максатчан программа кысаларында Россия юристлары ассоциясенең Татарстан төбәк бүлекчәсе Татарстан Республикасы Юстиция министрлыгы белән берлектә республиканың авыл җирендә яшәүче гражданнарына түләүсез юридик ярдәм күрсәтү эшен дәвам итә, шушы максатлар өчен министрлыклар, ведомстволар һәм оешмалар вәкилләреннән торган күчмә мәгълүмат- консультация төркеме кулланылды. 2013 елның 28 мартында Әлки муниципаль районында халкны кабул итү уздырылды, аның барышында Чуваш Кичүе һәм Иске Хурда авыл җирлекләреннән килгән 91 кешегә хокукый ярдәм күрсәтелде.