ЯҢАЛЫКЛАР

2012 елның 26 октябрендә ТР юстиция министры М.М.Корманов, министр урынбасары Н.В.Рагозина ТР Югары суды рәисе И.И.Гыйләҗев һәм ТР Чүпрәле муниципаль районы башлыгы Т.Д.Ногоманов белән бергә ТР Чүпрәле муниципаль районы җәмәгать судьясының яңа бинасы белән таныштылар.

2012 елның 24 октябрендә Татарстан Республикасы Юстиция министрлыгында Татарстан Республикасы җәмәгать судьялары аппаратының суд утырышы секретаре дәүләт граждан хезмәте вакантлы вазыйфасын биләп торуга конкурс булды.

2012 елның 26 октябрендә Татарстан Республикасы Юстиция министрлыгында Татарстан Республикасы юстиция министры М.М.Корманов җитәкчелегендә Татарстан Республикасы Министрлар Кабинетының 2012 елның 9 июлендәге 1150-р номерлы карары белән Татарстан Республикасы чикләрен Удмурт Республикасы белән чиктәш җирдә үзгәртү таләп ителү мәсьәләсен карау буенча оештырылган эшче төркем утырышы булды.

2012 елның 23 октябрендә Татарстан Республикасы Юстиция министрлыгы,Татарстан Республикасы Министрлар Кабинетының 2011 елның 18 августындагы 687 номерлы карары белән расланган Коррупциягә каршы комплекслы республика программасының 2.3 пунктын үтәү максатларында, норматив хокукый актларга һәм аларның проектларына коррупциягә каршы экспертиза ясау өчен җаваплы вазыйфаи затларга укулар уздырды.

2012 елның 23 октябрендә Татарстан Республикасы Мәдәният министрлыгының утырышлар залында Татарстан Республикасы муниципаль берәмлекләренең юридик хезмәтләре хезмәткәрләре өчен җир кишәрлекләренең кадастр хакын билгеләү нәтиҗәләренә дәгъва белдерү мәсьәләсе буенча чираттагы семинар узды. Аны, Татарстан Республикасы Президентының 2012 елның 15 сентябрендәге 37-пр номерлы киңәшмә беркетмәсенең 6 пунктын үтәү максатларында, Татарстан Республикасы Юстиция министрлыгы Татарстан Республикасы Муниципаль берәмлекләр советы белән берлектә оештырды.

Узган 20 октябрь шимбәсендә, Казанда Бокс һәм теннис үзәгендә Татарстан башкарма хакимияте органнары һәм дәүләт органнары аппаратлары хезмәткәрләре спартакиадасы кысаларында пинг-понг өстәл теннисы буенча ярышлар узды.

Татарстан Республикасы Юстиция министрлыгы ТР Менделеевск районының 1 нче суд участогы җәмәгать судьясы аппаратының суд утырышы секретаре, ТР Чаллы шәһәренең 4 нче суд участогы җәмәгать судьясы аппаратының суд утырышы секретаре, Казан шәһәре Идел буе районының   3, 6 нчы суд участоклары җәмәгать судьялары аппараты консультанты, Казан шәһәре Киров районы 5 нче суд участогы җәмәгать судьясы аппараты консультанты, Казан шәһәре Совет районы җәмәгать судьялары аппараты консультанты, Казан шәһәре Мәскәү районы 2 нче суд участогы җәмәгать судьясы аппаратының 2 разрядлы өлкән белгече - канцелярия мөдире, Казан шәһәре Совет районы 1 нче суд участогы җәмәгать судьясы аппаратының 2 разрядлы өлкән белгече - канцелярия мөдире вакантлы дәүләт граждан хезмәте вазыйфасын биләп торуга конкурс игълан итә.

2012 елның 22 октябрендә Татарстан Республикасы Юстиция министрлыгында “Норматив хокукый актларга һәм норматив хокукый актлар проектларына коррупциягә каршы экспертиза оештыру һәм ясау” темасына семинар узды. Ул Татарстан Республикасы башкарма хакимияте  органнарының норматив хокукый актларга һәм норматив хокукый актлар проектларына коррупциягә каршы экспертиза ясау өчен җаваплы вазыйфаи затлары өчен оештырылды.

20 октябрьдә Татарстан Республикасы Министрлар Кабинетының утырышлар залында Хокук мәсьәләләре буенча ведомствоара координацияләү комитетының чираттагы утырышы булды.

2011-2013 елларга Татарстан Республикасында халыкка хокукый белем тарату һәм юридик ярдәм күрсәтү буенча озак вакытлы максатчан программасы кысаларында 2012 елның 18 октябрендә Ютазы муниципаль районы территориясендә Иске Урыссу һәм Ютазы авыл җирлекләрендә авыл җирлекләре халкына түләүсез юридик ярдәм күрсәтү буенча мәгълүмат-консультация төркеме белгечләре чираттагы күчмә кабул итүне үткәрделәр.