ЯҢАЛЫКЛАР

Кичә ТР юстиция министры Мидхәт Корманов, министр урынбасары Надежда Рагозина Казан мэры Илсур Метшин, ТР Югары Суды Рәисе Илгиз Гыйләҗев һәм Казан шәһәренең Вахитов район суды рәисе Фәнис Мусин белән берлектә Казан шәһәре Вахитов районы җәмәгать судьяларының Коротченко урамы, 2 йорт адресы буенча урнашкан яңа бинасын карадылар.

2012 елның 18 октябрендә Татарстан Республикасы Юстиция министрлыгында Татарстан Республикасы юстиция министры М.М.Корманов җитәкчелегендә “Зеленодольск шәһәре” муниципаль берәмлеге чикләрен киңәйтү турында, шулай ук “Фәнни шәһәрчек” мөлкәт комплексының күпфатирлы йортларының кемгә каравы һәм Биектау муниципаль районы һәм Казан шәһәре муниципаль берәмлеге чикләрен үзгәртү мөмкинлеге турындагы мәсьәләләр каралды.

18 октябрьдә Татарстан Республикасы Юстиция министрлыгы каршындагы Иҗтимагый советның чираттагы утырышы булды. Утырышны Иҗтимагый совет рәисе А.Г.Гатауллин алып барды. Утырышта, Иҗтимагый совет әгъзалары белән беррәттән, Татарстан Республикасы юстиция министры М.М.Корманов һәм Татарстан Республикасы юстиция министрының беренче урынбасары С.Н.Столяров катнашты.

2012 елның 17 октябрендә Татарстан Республикасы Юстиция министрлыгында Министрлык аппараты дәүләт граждан хезмәткәрләрен аттестацияләү булды.

Быелгы елның 17 октябрендә Татарстан Республикасы Мәдәният министрлыгының киңәшмәләр залында Татарстан Республикасы җәмәгать судьялары аппараты хезмәткәрләре белән видеоконференция тәртибендә семинар-киңәшмә булды.

2012 елның 17 октябрендә Татарстан Республикасы Юстиция министрлыгында Татарстан Республикасы җәмәгать судьялары аппаратының суд утырышы секретаре, консультанты һәм 2 разрядлы өлкән белгече – канцелярия мөдире дәүләт граждан хезмәте вакантлы вазыйфасын биләп торуга конкурс булды.

Татарстан Республикасы Юстиция министрлыгы балигъ булмаганнар эшләре һәм аларның хокукларын яклау комиссиясе эшчәнлеген тәэмин итү секторының әйдәүче киңәшчесе дәүләт граждан хезмәте вакантлы вазыйфасын биләп торуга конкурс игълан итә.

Агымдагы елның 16 октябрендә видеоконференция тәртибендә Татарстан Республикасы Юстиция министрлыгы коллегиясенең киңәйтелгән утырышы булды, ул “Татарстан Республикасы Юстиция министрлыгы тарафыннан 2012-2014 елларга коррупциягә каршы комплекслы республика программасының үтәлешен тикшереп тору вәкаләтләрен гамәлгә ашыру турында” мәсьәләсенә багышланды.

Узган 12 октябрь җомгасында Ютазы район үзәгенең иҗтимагый тормышында күркәм вакыйга булды: Җәмәгать судьясы йорты кулланылышка тапшырылды. Тантаналы чарада республиканың юстиция министры Мидхәт Корманов, Югары суды рәисе Илгиз Гыйләҗев, Ютазы районы администрациясе башлыгы Рөстәм Нуриев, шулай ук Татарстанның көньяк-көнчыгыш районнарындагы район, шәһәр судларыннан вәкилләр катнашты.