ЯҢАЛЫКЛАР

Кичә Түбән Кама муниципаль районында Татарстан Республикасы муниципаль районнарның һәм шәһәр округларының башкарма комитетлары җитәкчеләре катнашында “түгәрәк өстәл” утырышы булды, анда Татарстан Республикасы юстиция министры урынбасары А.А.Ощепков Татарстан Республикасы Юстиция министрлыгының Җирле үзидарә органнары белән багланышлар департаменты эше турында доклад белән чыгыш ясады.

Бүген Татарстан Республикасы Министрлар Кабинетында Татарстан Республикасы Премьер-министрының беренче урынбасары Р.Ф.Моратов рәислегендә Хокукый мәсьәләләр буенча ведомствоара координацияләү комитеты утырышы булды, анда 11 закон проекты карап тикшерелде:

Бүген “Хокук һәм хәят” иҗтимагый-хокукый һәм фәнни журналының редакция коллегиясе әгъзалары ТР Юстиция министрлыгында журналның редакция советының чираттагы утырышына җыелдылар. Очрашуның сәбәбе – журналның алтынчы саны макеты (эчтәлеге) турында фикер алышу иде.

Бүген Татарстан Республикасы юстиция министры М.М.Корманов Татарстан Республикасы Дәүләт Советы вәкиле һәм Татарстан Республикасы Министрлар Кабинеты вәкиле сыйфатында 2006 елда туктатып торылган “Татарстан Республикасы территориясендә уен йортларын урнаштыру турында” 2006 елның 5 апрелендәге Татарстан Республикасы Законын гамәлдән чыккан дип тану турында “Медиа-плюс” ҖЧҖ гаризасы буенча эш һәм шәхси эшкуар Бокучава Г.Г. гаризасы буенча эш буенча суд процессларында катнашты.

Кичә Татарстан Республикасы Дәүләт Советында Мәдәният, фән, мәгариф һәм милли мәсьәләләр комитеты утырышы булды, анда бер төркем, аерым алганда, “Татарстан Республикасында мәдәни мирас объектлары турында” Татарстан Республикасы Законына үзгәрешләр кертү хакында”, “Мәдәният турында” Татарстан Республикасы Законына үзгәрешләр кертү хакында” Татарстан Республикасы закон проектлары турында фикер алышынды.

Бүген Татарстан Республикасы юстиция министры М.М.Корманов парламент тыңлауларында катнашты. Алар Татарстан Республикасы Дәүләт Советында “2008 елга Татарстан Республикасы бюджеты турында” закон проекты буенча үтте.

2007 елның 28 сентябрендә Россия Федерациясе Хөкүмәтендә 625 номерлы карар чыкты, анда беренчел тикшерү органнары, башлангыч тикшерү органнары яки суд билгеләве буенча җинаять суд эшләрен алып баруда яклаучы сыйфатында катнашкан адвокатның хезмәте өчен түләү катгый суммада, аерым алганда, бер көн катнашу өчен - 275 сумнан ким һәм 1100 сумнан да артык, ә эш көне булмаган бәйрәм көнендә яки ял көне булган көнендә, шулай ук төнлә катнашкан өчен 550 сумнан ким һәм 2200 сумнан да артык була алмый.

ТР Министрлар Кабинеты Президиумының июнь аенда узган Татарстан Республикасы җәмәгать судьялары тарафыннан суд эшчәнлеген башкару һәм гражданнарны кабул итү өчен муниципаль районнарда шартлар тудыру мәсьәләсе карап тикшерелгән утырышыннан соң, республиканың 7 районында муниципаль район администрацияләре җәмәгать судьяларын урнаштыру өчен биналар бүлеп бирде. 2007 ел дәвамында барлыгы Татарстан Республикасының сигез районында җәмәгать судьялары аппараты яңа урында теркәлделәр. Үз бинасы булган җәмәгать судьялары участокларының соңгысы - Мөслим муниципаль районы җәмәгать судьясы булды.

2007 елның 6-7 октябрендә Зеленодольск шәһәрендә футбол ветераннары командалары арасында Виктор Колотов истәлегенә багышланган традицион футбол турниры узды, монда Казан шәһәре җыелма командасы үз капкаларына бер туп та кертмичә 1 нче урынны яулады. Беренчелеккә Марий-Эл җыелма командасы капкасына безнекеләрнең унбер метрлы тибү сериясе чыгарды.

“Россия Федерациясендә судьялар статусы турында” РФ Законы, “Россия Федерациясе дәүләт граждан хезмәте турында”ФЗ һәм “Татарстан Республикасы дәүләт граждан хезмәте турында” ТР Законы нигезендә җәмәгать судьялары һәм аларның аппаратлары хезмәткәрләре һәр өч ел саен квалификация күтәрү курсларында укырга тиешләр. Татарстан Республикасы Юстиция министрлыгы законнар таләпләре нигезендә ел саен елга ике тапкыр (яз һәм көз) җәмәгать судьялары һәм аларның аппаратлары хезмәткәрләре өчен квалификация күтәрү курслары оештыра.