ЯҢАЛЫКЛАР

Дәүләт Думасы беренче укылышта суд утырышлары эшчәнлегендә видео-конференц-элемтә системасын куллануны регламентлаштыручы һәм вакытны экономияләүгә, суд тикшеренүләре срокларын кыскартуга юнәлдерелгән ике закон проектын кабул итте

Региональ үсеш Министрлыгы Торак кодексына төзәтмәләр әзерләгән. Бу төзәтмәләр торак өчен бәя исәпләү процессын тагында үтә күренмәлерәк итәчәк.

Дәүләт Думасы хезмәт һәм социаль сәясәт Комитетына 3-5 январь ял бәйрәм көннәрен 31 декабрь, 2 һәм 8 май көннәренә алмаштырырга тәкъдим итүче федераль закон проекты юнәлдерелгән.

2010 елның 5 апрелендәге 46-ФЗ номерлы Федераль закон нигезендә Россия Федерациясе җинаять-башкарма кодексына һәм “Иректән мәхрүм итү кебек җинаять җәзаларын башкаручы учреждениеләр һәм органнар турында” Россия Федерациясе законының 22 статьясына үзгәрешләр кертелде.

Дмитрий Медведев Думага рейдерлыкка каршы тору турындагы закон проектын керткән. Акционерлар реестрын охшатып алдап ясау өчен 5 ел җинаять срогы һәм 500 мең сум штраф йөкләнү яный.

2010 елның 1 арелендә “Ау һәм ау ресурсларын саклап калу һәм Россия Федерациясенең аерым закон чыгаручы актларына үзгәрешләр кертү турында” 209-ФЗ номерлы Федераль закон (ау турында закон) үз көченә керде. Бу закон Россия Федерациясе территориясендә ау эшчәнлеген оештыру белән бәйле мөнәсәбәтләрне федераль дәрәҗәдә тәртипкә салуга юнәлдерелгән.

Федерация Советныда “Дәүләт (муниципаль) учреждениеләрнең хокукый дәрәҗәләрен камилләштерү нигезендә Россия Федерациясенең аерым закон чыгаручы актларына үзгәрешләр кертү турында” федераль закон проекты буенча Федерация Советы бюджет буенча Комитетының Россия Федерациясе финанслар Министрлыгы вәкилләре белән киңәйтелгән киңәшмәсе узды.

Татарстан Республикасы юстиция Министрлыгы тарафыннан алып барылган коррупциягә каршы сәясәтне гамәлгә ашыру буенча эшчәнлек турында ТР юстиция Министрлыгы коллегиясенең киңәйтелгән утырышында фикер алышынды.

Теләсә нинди җәмәгать транспортында пассажир һәлак булган очракта страховка түләүнең күләме 2 млн. сумны тәшкил итәргә тиеш дип билгеләде транспорт һәм элемтә министры Игорь Левитин.