ЯҢАЛЫКЛАР

ТР Президенты 156-УП номерлы “Татарстан Республикасында халыкка юридик ярдәм күрсәтү һәм аны хокукый мәгърифәтле итү системасын үстерү чаралары турында” Указын имзалады. Әлеге Указада гражданнарның социаль һәм хокукый сакланылуы максатында, гадел хөкемгә югары дәрәҗәдәге үтемлелекне тәэмин итү һәм законлылыкны, хокукый тәртипне ныгыту, шулай ук дәүләт һәм муниципаль органнарның әлеге эштәге рольләренең көчәйтелүе максатында Татарстан Республикасында халыкка юридик ярдәм күрсәтү системасын үстерү чаралары, шул исәптән түләүсез чаралар да, билгеләнгән.

Сишәмбе көнне Кремль матбугат хезмәте хәбәр иткәнчә, Россия Президенты Дмитрий Медведев гражданнарны иске автомобильләрен утилизацияләүгә тапшырган өчен дәүләт тарафыннан бирелгән акчаларга каралган физик затларның керемнәренә кагылучы налогны түләүдән ирекле итү турындагы федераль закон имзалады.

ТР Министрлар Кабинеты карары нигезендә (ЕГИС “ГЛОНАСС+112”) бердәм дәүләт мәгьлүмати системасы нигезендә Татарстан Республикасы территориясендә “112” телефон номеры аша ашыгыч оператив хезмәтләрне чакыртуны тәэмин итү системасы эшчәнлегенең Вакытлы регламенты расланган.

Бүген Казан шәһәре Вахитов районының 39 номерлы гомуми белем бирү мәктәбендә “Хокукый сәгать” уздырылды. Татарстан Республикасы юстиция министры, Россия юристлары Ассоциациясенең Татарстан региональ бүлеге җитәкчесе М.М.Курманов инициативасы белән ТР юстиция Министрлыгы җитәкчеләре һәм белгечләре, Россия юристлары Ассоциациясенең региональ бүлеге вәкилләре 9-11 сыйныф укучылары өчен “Хокукый сәгать” үткәрделәр.

Татарстан Республикасы юстиция Министрлыгында “Хокук һәм хаять” журналы редакция советы утырышы узды. Редакция советы әгъзалары журналның 2010 елның 27 маенда Татар АССР оешуы көненә багышлап чыгарылачак өченче саны макеты хакында фикер алыштылар.

2010 елның 31 мартында Россия Федерациясе административ хокук бозулар кодексына кертелгән үзгәрешләр үз көченә керде (28.12.2009 елдагы 380-ФЗ номерлы Россия Федерациясе административ хокук бозулар кодексына үзгәрешләр кертү турында Федераль закон).

Татарстан Республикасы юстиция Министрлыгының эшчәнлеге планы нигезендә, җәмәгать судьялары участоклары эшчәнлеген оештыруны өйрәнү, архив эшчәнлегенә эш башкаруда, шулай ук башка җәмәгать судьялары аппараты, Татарстан Республикасы юстиция Министрлыгының җәмәгать судьяларын оештыру-хокукый ярдәм итү бүлеге белгечләренең хезмәти эшчәнлекләренә кагылышлы мәсьәләләр методик һәм практик ярдәм күрсәтү максатында 15.03.2010-26.01.2010 елдагы чорда Казан шәһәре Совет районы җәмәгать судьялары аппараты участокларының эшчәнлеген оештыруны тикшерү үткәрелде.