ЯҢАЛЫКЛАР

Кичә ТР юстиция министрының беренче урынбасары С.Н.Столяров ТР Министрлар Кабинетында узган Татарстан Республикасы муниципаль берәмлекләре Президиумы Советы утырышында катнашты, анда ул “Россия Федерациясендә җирле үзидарәне оештыруның гомуми принциплары турында” 2003 елның 6 октябрендәге 131-ФЗ номерлы Федераль законны Татарстан Республикасында гамәлгә ашыру барышы хакында” мәсьәлә турында фикер алышу кысаларында муниципаль реформаны тормышка ашыруны норматив-хокукый тәэмин итү буенча республикада үткәрелә торган чаралар турында доклад белән чыгыш ясады.

Узган атнада бердәм банк бүлеге хезмәткәре А.Р.Габдрахманов Аксубай һәм Нурлат муниципаль районнарында булды, сәфәрнең максаты – муниципаль хокукый актларны Татарстан Республикасы Юстиция министрлыгына бердәм банкка кертү өчен җибәргәндә килеп туа торган мәсьәләләрне хәл итүдә методик ярдәм күрсәтү.

2008 елның 14 нче апреленнән алып 20 апреленә кадәр Башкортостан Республикасы башкаласы Уфа шәһәрендә Хокук буенча Бөтенроссия мәктәп укучылары олимпиадасының йомгаклау этабы булды, анда Татарстанда үткән Хокук буенча республикакүләм мәктәп укучылары олимпиадасында җиңеп чыгучылар, шулай ук узган елгы Бөтенроссия мәктәп укучылары олимпиадасының җиңүчеләре катнашты. Татарстан командасы составына Казан, Әлмәт, Чаллыдан, Саба һәм Чүпрәле муниципаль районнарыннан 13 укучы керде.

Бүген Татарстан Республикасы Юстиция министрлыгы коллективы традицион язгы шимбә өмәсендә катнашты. Төп максат – Министрлык бинасын май бәйрәмнәре алдыннан җыештыру. Кыш дәвамында җыелган чүп-чарны, былтырга яфракларны җыярга кирәк. Барлык территория дә җыештырылды: газоннарны казыдылар, бинаның фасадын юдылар, юллар, ишегалды, гараж тәртипкә китерелде. Бина эчендә тәрәзәләр ялтырап-елмаеп калдылар. Кыш көннәрендә җыелган тузан һәм пычрак юылды.

Кичә Әлмәт шәһәрендә ТР Бөгелмә, Әлмәт, Лениногорск һәм Сарман муниципаль районнарының шәһәр һәм авыл җирлекләре җирле үзидарә органнарының вазыйфаи затлары катнашында күчмә уку-укыту семинары булды. Укуларда югарыда күрсәтелгән районнардан 78 вәкил катнашты. Алардан тыш семинар укуларында райондагы юридик хезмәтләр, шулай ук Татарстан Республикасы Юстиция министрлыгының Хокукый мәсьәләләр буенча җирле үзидарә органнары белән багланышлар оештыру департаменты белгечләре катнашты.

Бүген ТР юстиция министрының беренче урынбасары С.Н.Столяров Татарстан Республикасы җирле үзидарә органнарының муниципаль норматив хокукый актларны төзүләре буенча методик тәкъдимнәрнең ТР Юстиция министрлыгы белгечләре тарафыннан эшләнүе мәсьәләсе турында фикер алышынган эш киңәшмәсен үткәрде.

Җәмәгать судьялары эшчәнлеген булдыру күздә тоткан һәм аның тәртибен билгеләгән закон проектларын анализлап караганда, җәмәгать судьялары институтының асылы алар суд хакимиятенә ия вазыйфаи затлар, Россия Федерациясе субъекты судьялары, бердәм суд системасының чикләнгән юрисдикциягә ия түбән звеносы булуда чагыла. Халыкка якын булган җәмәгать судьясы үзенең статусы һәм вәкаләтләре белән федераль судьядан әлләни аерылмавы бик мөһим.

РФ Югары Суды “Россия Федерациясендә җәмәгать судьялары турында” ФЗның 3 статьясына һәм РФ Граждан процессуаль кодексының 23 статьясына үзгәрешләр кертү хакында” федераль закон проектын әзерләде һәм Дәүләт Думасы каравына кертте.