ЯҢАЛЫКЛАР

Бүген Казанда өченче чакырылыш Татарстан Республикасы Дәүләт Советының 34-нче утырышы үтә, аның эшендә ТР юстиция министры М.М.Корманов катнаша. Көн тәртибенә 85 мәсьәлә кертелгән, аларның 36сы республика законнары һәм карарлары проектлары. Төп мәсьәлә - икенче укылышта киләсе елга республика бюджеты турында фикер алышу.

Россия Президенты “Транспорт чаралары хуҗаларының мәҗбүри граждан җаваплылыгы иминияте турында” ФЗга һәм “Россия Федерациясендә иминият эшен оештыру турында” РФ Законына үзгәрешләр һәм өстәмәләр кертү хакыныда” ФЗның 2 статьясына үзгәрешләр кертү һәм Россия Федерациясенең кайбер закон актларын көчен югалткан дип тану турында” Федераль законга имза куйды.

Бүген юстиция министрының беренче урынбасары С.Н.СтоляровТатарстан Республикасы Иминлек Советының Мәгълүмати куркынычсызлык буенча ведомствоара комиссиясе утырышында катнашты, анда ТР Министрлар Кабинетының 16.07.2007 елдагы 1011-р номерлы карарын тормышка ашыру мәсьәләсе карап тикшерелде.

Бүген Татарстан Республикасы Үзәк сайлау комиссиясе утырышы булды, аның эшендә Үзәк сайлау комиссиясе әгъзасы сыйфатында Татарстан Республикасы юстиции министры М.М.Корманов катнашты. Утырышта Татарстан Республикасы территориясендә РФ Федераль Җыенының Дәүләт Думасы депутатларын сауйлаулар буенча тавыш бирү нәтиҗәләрен урнаштыру һәм сайлау бюллетеньнәрен, махсус билгеләрне (маркаларны) һәм тавыш бирү өчен исәптән төшерү таныклыкларын файдалану нәтиҗәләре турында сөйләштеләр.

Кичә Татарстан Республикасы Министрлар Кабинетында Татарстан Республикасы Премьер-министрының беренче урынбасары Р.Ф.Моратов рәислегендә Хокукый мәсьәләләр буенча ведомствоара координацияләү комитеты утырышы булды, анда 15 закон проекты карап тикшерелде:

2007 елның 30 ноябрендә - 1 декабрендә Чаллы шәһәрендә “Кама институты” ФМУнең уку-укыту базасында “Бүгенге җәмгыятьнең мөһим проблемалары” II Бөтенроссия семинары үтте, ул Кама институтының беренче ректоры, РФ Дәүләт Думасы депутаты, профессор, икътисад фәннәре докторы М.Ф.Ганиев истәлегенә багышланган иде. Семинарны РФАның Икътисад интитуты, Мәгариф идарәсе (Чаллы ш.) һәм “Кама институты” ЮҺБ ФМУ оештырдылар.

2007 елның 1-2 декабрендә, РФ Федераль Җыенының Дәүләт Думасына сайлаулар алдыннан һәм көнендә ТР юстиция министрының беренче урынбасары С.Н.Столяров эшлекле сәфәрдә Балык Бистәсе муниципаль районында булды, анда сайлау комиссияләренә хокукый ярдәм күрсәтү максатыннан муниципаль районның башкарма комитеты җитәкчесе белән кайбер сайлау участокларында булды, сайлау участокларының җиһазландыруы һәм җиһазлар белән, шулай ук районда сайлауларны оештыру белән танышты.

“Оешмаларның табышына салым салу, хезмәткәрләрне эш урыннарына кадәр алып баруга һәм кайтаруга чыгымнарга ЕСН һәм НДФЛ турында” 2007 елның 13 ноябрендәге 03-03-06/1/809 номерлы РФ Финанс министрлыгының Салым һәм таможня-тариф сәясәте департаменты хатында оешмаларның табышына салым салу, хезмәткәрләрне эш урыннарына кадәр алып баруга һәм аннан кайтаруга чыгымнарга ЕСН һәм НДФЛ тәртибе аңлатылган.

РФ Президенты “Коммерциячел булмаган оешмалар турында” Федераль законның 1 статьясына үзгәрешләр кертү хакында” Федераль законга кул куйды. Федераль законда торак милекчеләре иптәшлекләрен, гражданнарның бакчачылык, яшелчәчелек һәм дача коммерциячел булмаган берләшмәләрен “Коммерциячел булмаган оешмалар турында” 1996 елның 12 гыйнварындагы 7-ФЗ номерлы Федераль законның йогынтысы даирәсеннән төшереп калдыру каралган.