ЯҢАЛЫКЛАР

Бүген Татарстан Республикасы юстиция министры М.М.Корманов Татарстан Республикасы Президентының Дәүләт һәм муниципаль идарә академиясендә Татарстан Республикасы шәһәр һәм авыл җирлекләре башлыклары урынбасарларының квалификацияләрен күтәрү буенча дәресләрдә чыгыш ясады.

Бүген Татарстан Республикасы юстиция министры М.М.Корманов Коррупциягә каршы сәясәтне гамәлгә ашыруның республика советы утырышы эшендә катнашты, анда Татарстан Республикасында коррупциягә каршы пропагандалауның торышы турында мәсьәлә тикшерелде.

Бүген Татарстан Республикасы юстиция министры, «Россия юристлары ассоциациясе» бөтенроссия иҗтимагый оешмасының Татарстан төбәк бүлеге рәисе М.М.Корманов РФ Президентының Идел буе федераль округындагы тулы вәкаләтле вәкиленең төбәк җәмәгатьчелекне кабул итү бүлмәсендә узган матбугат конференциясендә катнашты.

Якшәмбе көнне Татарстан Республикасы Юстиция министрлыгы командасы “Милләтләр кроссы-2007”дә йөгерүдә катнашты. Минюстлылар йөгерүгә күпсанлы составта - министр, аның урынбасарлары, ярдәмчеләре, бүлек җитәкчеләре, белгечләре - чыкты. Кайбер катнашучылар спорт бәйрәменә гаиләләре белән килгән иде һәм стартка да гаилә белән бастылар.

Мәгълүматлаштыру өлкәсендә яңа технологияләрнең үсеше, мәгълүмати массивның зур тизлек белән үсүе чикләнгән кулланыш өчен билгеләнгән мәгълүматның бер өлеше усал ниятле кулланучылар өчен ачылу куркынычын тудыра, алар яшерен мәгълүматны үзләренең начар мәнфәгатьләрендә яки хәтта илкүләм куркынычсызлыкка зыян китереп кулланыла ала. Шуңа күрә безнең республикада, тулаем Россиядә кебек үк, беренче планга дәүләт серен тәшкил иткән яки затларның чикләнгән даирәсе өчен билгеләнгән (гражданнарның шәхси мәгълүматлары һ.б.) мәгълүматны яклау бурычы чыга.

Бүген Татарстан Республикасы юстиция министрының беренче урынбасары С.Н.Столяров ТР Премьер-министры урынбасары – мәдәният министры З.Р.Вәлиевада узган киңәшмәдә катнашты, анда сүз Татарстан Республикасының мәдәни мирасы комитетын төзү, шул исәптән, федераль әһәмияттәге мәдәни мирас объектларына мөнәсәбәттә федераль вәкаләтләрнең бер өлеше Россия Федерациясе тарафыннан РФ субъектының дәүләт хакимияте органнарына тапшырылу турында барды.

2007 елның август аенда ТР Юстиция министрлыгының Татарстан Республикасы норматив хокукый актларының бердәм банкы бүлегенә дәүләт теркәвенә алу өчен республика башкарма хакимиятенең төрле органнарыннан 15 боерык керде. Хәзерге вакытта аларның барысына да хокукый экспертиза үткәрелә. Элек кергән норматив актларның 8-е теркәлгән һәм дәүләт реестрына кертелгән.

ТР Юстиция министрлыгы җитәкчелеге “Татарстан Республикасында гражданнар мөрәҗәгатьләрен карап тикшерү тәртибе” турында Татарстан Республикасы Законы нигезендә норматив хокукый актларны куллану белән бәйле кызыксындырган мәсьәләләр буенча гражданнарны даими кабул итә. Шушы максаттан Министрлыкта кабул итү көннәре һәм сәгатьләре билгеләнгән, бу вакытта министр һәм аның урынбасарлары халык белән турыдан-туры аралаша, тиешле консультацияләр бирә яки Министрлык вәкаләтләре кысаларында куелган мәсьәләләрне хәл итү буенча кирәкле чаралар күрә ала.