ЯҢАЛЫКЛАР

Бүген Татарстан Республикасы Мәгълүматлаштыру һәм элемтә министрлыгында мәгълүмати куркынычсызлык чараларын тормышка ашыру мәсьәләсе буенча киңәшмә үтте. Аны Татарстан Республикасы мәгълүматлаштыру һәм элемтә министры Ф.М.Фазылҗанов алып барды.

Бүген Казан Кремлендә Татарстан Республикасы Президенты М.Ш.Шәймиев рәислегендә Татарстан Республикасы Иминлек Советы утырышы үтте, аның көн тәртибе “Татарстан Республикасында наркотикларның законсыз әйләнешенә каршы гамәлләр башкаруның торышы турында” иде. Аның эшендә республика хакимияте органнары, федераль территориаль структуралар җитәкчеләре, муниципаль районнар һәм шәһәр округлары башлыклары катнашты. ТР Юстиция министрлыгыннан утырышта министрның беренче урынбасары С.Н.Столяров катнашты.

ТР Юстиция министрлыгында кабул итү көннәре билгеләнгән, ул көннәрдә гражданнар турыдан-туры министрга яки аның урынбасарларына үзләрен кызыксындырган сораулар белән мөрәҗәгать итә алалар. Моннан тыш, Министрлык җитәкчелеге расланган график нигезендә республиканың муниципаль районнарында гражданнарны күчмә кабул итүләр үткәрә.

“2008 елга һәм 2009 һәм 2010 елларның планлаштырылган вакытына Россия Федерациясе Социаль иминләштерү фонды бюджеты турында” 2007 елның 21 июлендәге 183-ФЗ номерлы Федераль закон нигезендә 2008 елда һәм 2009 һәм 2010 елларның планлаштырылган вакытында:

Ил икътисадының базар юлына күчүе предприятиеләрнең икътисадый эшчәнлеге нәтиҗәләрендә үзгәрешләргә китерә. Менеджмент җайга салынган, җитештерү нәтиҗәле оештырылган предприятиеләр табыш алалар. Икенчеләре исә теге яки бу сәбәпләр аркасында (һәм объектив, һәм субъектив) банкротлыкка юлыгалар. Кызганыч, әмма аларның банкротлыгы аркасында еш кына дәүләтнең, кредиторларның, әлеге предприятиедә эшләүчеләрнең мәнфәгатьләре зыян күрә. Татарстан Республикасында предприятиеләрне финанс ягыннан савыктыру һәм банкротлык системаларының нәтиҗәлелеген күтәрү мәсьәләләрен карап тикшерүгә 2007 елның 15 августында Татарстан Республикасы Министрлар Кабинетында узган киңәшмә багышланган иде. Аны Татарстан Республикасы Премьер-министрының беренче урынбасары Р.Ф.Моратов алып барды. ТР Юстиция министрлыгы исеменнән министрның беренче урынбасары С.Н.Столяров катнашты.

Җәйге яллар чоры булуга карамастан, ТР Юстиция министрлыгының Татарстан Республикасының норматив хокукый актларының бердәм банкы бүлегенә килүче документлар саны кимеми. Шулай, 2007 елның 1 июленнән 15 августына кадәр муниципаль раойннарның һәм шәһәр округларының җирле үзидарә органнарыннан бердәм банкка кертү өчен 294 муниципаль хокукый акт килгән. Алдарак җибәрелгән актлар арасынна бердәм банкка кәгазъгә язылган 400дән артык акт кертелгән.

2007 елның 15 августында Казан Кремленең Вәкил корпусында ТР Президенты М.Ш.Шәймиев рәислегендә Хәйрия эшчәнлеге мәсьәләләре буенча Республика советы утырышы үтте, анда ТР юстиция министры вазыйфаларын башкаручы С.Н.Столяров катнашты.

Бүгенге көндә ТР Юстиция министрлыгы карап тикшерүендә “Вәкаләтләр чикләүне камилләштерү белән бәйле Россия Федерациясенең аерым закон актларына үзгәрешләр кертү турында” 438751-4 номерлы федераль закон проекты бар. Закон проекты федераль дәүләт хакимияте органнары һәм Россия Федерациясе субъектларының дәүләт хакимияте органнары, җирле үзидарә органнары арасында социаль яклау, мәгариф, сәламәтлек саклау, янгын куркынычсызлыгын тәэмин итү, мәдәният һәм иҗтимагый мөнәсәбәтләрнең башка өлкәләрендә вәкаләтләрне яңадан бүлү карала.

Бүген Татарстан Республикасы Юстиция министрлыгында министр урынбасары Ә.Б.Сираҗетдинов рәислегендә Бердәм конкурс комиссиясе Казан шәһәренең Космонавтлар ур., 11 й. адресы буенча урнашкан җәмәгать судьялары бинасына капиталь ремонт үткәрүгә конкурста катнашучыларның заявкаларын карап тикшерүгә йомгак ясады. Конкурс үткәрелү турында «Время и деньги» газетасында, www.agzrt.ru. сайтында хәбәр ителгән иде.

Татарстан Республикасы законнары гамәлдә булуының нәтиҗәлелеген анализлау һәм бәяләү максатларыннан, 2007 елның 5 июлендә Татарстан Республикасы Дәүләт Советы тарафыннан “Татарстан Республикасы законнары гамәлдә булуының нәтиҗәлелеге турында” карар кабул ителде, аның нигезендә Татарстан Республикасы законнары гамәлдә булуының нәтиҗәлелеген бәяләү комиссиясе төзелде һәм әлеге комиссиянең нигезләмәсе расланды.