ЯҢАЛЫКЛАР

Россия Федерациясе Президенты Укзаы белән Татарстан Республикасы Президентының Дәүләт-хокук идарәсе җитәкчесе Рәисә Абдулла кызы Сәхиевага “Россия Федерациясенең атказанган юристы” мактаулы исеме бирелде.

Юстиция министрлыгы коллективы мөхтәрәм коллеганы югары дәүләт бүләгенә лаек булуы белән ихлас котлый. Сезнең көндәлек нәтиҗәле һәм принципиаль хезмәтегез республика дәрәҗәсендә дә, федераль  дәрәҗәдә дә лаеклы бәяләнә. Хөрмәтле Рәисә Абдулловна, Сезгә катлаулы һәм Татарстан Республикасы өчен гаять мөһим хезмәтегездә уңышлар телибез. Халкыбыз һәм дәүләтебез иминлеге өчен башкарылган фәнни һәм иҗтимагый эшчәнлегегез уңай җимешләрен китерсен.

Кичә ТР Юстиция министрлыгында ТР Мәгариф һәм фән министрлыгы, ТР Финанс министрлыгы, ТРның «Татмедиа» массакүләм коммуникацияләр агентлыгы дәүләт учреждениесе вәкилләре белән киңәшмә үтте, аны юстиция министры вазыйфаларын башкаручы С.Н.Столяров алып барды. Киңәшмә гамәлгә ашырылуы 2008-2010 елларда гражданнарның хокукый культурасын күтәрү буенча республика максатчан программасы кысаларында планлаштырылган торган гражданнарның хокукый культурасын күтәрүгә юнәлтелгән чараларны финанслау мәсьәләсен карауга багышланган иде.

Татарстан Республикасының дәүләт хакимияте органнарына “Комарлы уеннарны оештыру һәм үткәрү буенча эшчәнлекне дәүләти җайга салу турында һәм Россия Федерациясенең кайбер закон актларына үзгәрешләр кертү турында” 2006 елның 29 декабрендәге 244-ФЗ номерлы Федераль законның кайбер нигезләмәләрен, аерым алганда, әлеге Законның 5 статьясының 3 пункты нигезләмәләрен гамәлгә ашыру тәртибен аңлатуны сорап, гражданнар, җирле үзидарә органнары мөрәҗәгатьләре килә.

10 августта Апас авылының район мәдәният йортында узган район (шәһәр) судлары рәисләренең һәм рәисләре урынбасарларының һәм Татарстан Республикасы җәмәгать судьялары вәкилләренең киңәшмәсендә республика судьялары 2007 елның беренче ярты еллыгындагы эшләренә йомгак ясадылар. ТР Юстиция министрлыгы исеменнән министр урынбасары Ә.Б.Сираҗетдинов катнашты.

11 август Россия юллары буйлап куып йөрергә яратучылар өчен борылыш көне булыр мөгаен. Бу көнне Административ Хокук бозулар кодексының “автомобиль бүлеге”нә төзәтмәләр көченә керә. Яңалыклар элек бозу булып саналмаганнар өчен җәза билгели, шулай ук элек гамәлдә булган штрафларны арттыра.

Шулай итеп, нинди үзгәрешләр көченә керә соң?

2007 елның 10 августында Мәгариф хезмәткәрләренең республика күләмендәге август конференциясе узды. Зәй шәһәрендә узган әлеге чара “Көндәшлеккә сәләтле шәхес формалаштыруда хакимият, бизнес һәм мәгариф бердәмлеге”нә багышланган иде, һәм анда Татарстан Республикасы Президенты Минтимер Шәрип улы Шәймиев, Татарстан Республикасы Премьер-министры Рөстәм Нургали улы Миңнеханов, Татарстан Республикасы Хөкүмәте әгъзалары, хакимият органнары вәкилләре, мәгариф хезмәткәрләре, Татарстан Республикасы Юстиция министрлыгы исеменнән Татарстан Республикасы юстиция министры вазыйфаларын башкаручы С.Н.Столяров катнашты.

Бүген закон проектлары белән эшләү бүлеге җитәкчесе урынбасары И.А.Гомзик Татарстан Республикасы министрлыклары тарафыннан үз ведомстволарындагы банкротлык алдында торган предприятиеләргә маниторинг үткәрү һәм үз ведомстволарындагы финанс хәлләре тотрыксыз булган предприятиеләрнең финанс хәлләренә анализ ясау мәсьәләсенә багышланган киңәшмәдә катнашты, ул Федераль салым хезмәтенең ТР буенча идарәсендә үтте.

Россия Федерациясе Конституциясенең 38 статьясы нигезендә балалык чоры безнең илдә дәүләт яклавында, һәм балалар турында кайгырту һәм аларны тәрбияләү гаилә әгъзаларының, дәүләт хакимияте органнарының, җирле үзидарә органнарының конституциячел бурычлары булып тора. Балигъ булмаганнар эшләре һәм аларның хокукларын яклау буенча комиссияләргә аерым бурычлар йөкләнә.

Кичә Татарстан Республикасы юстиция министрының беренче урынбасары Ә.Б.Сираҗетдинов Татарстан Республикасы Төзелеш, архитектура һәм торак-коммуналь хуҗалык министрлыгының 2007 елның беренче яртысындагы эш йомгакларына һәм Татарстан Республикасында “Россия гражданнарына һәркем алырлык һәм уңайлыклы торак” өстенлекле илкүләм проектын гамәлгә ашыруга багышланган коллегия утырышында катнашты, ул “Казан” ММҮдә узды.

2007 елның 9 августында ТР Юстиция министрлыгында "2006 елда һәм 2007 елның беренче яртысында Татарстан Республикасының Коррупциягә каршы сәясәте стратегиясен гамәлгә ашыру Программасының үтәлеше буенча Татарстан Республикасы Юстиция министрлыгы эшчәнлеге турында” министрлыкның коллегия утырышына әзерлек мәсьәләсе буенча киңәшмә булды.