ЯҢАЛЫКЛАР

Бүген ТР юстиция министрының беренче урынбасары С.Н.Столяров Татарстан Республикасы җирле үзидарә органнарының муниципаль норматив хокукый актларны төзүләре буенча методик тәкъдимнәрнең ТР Юстиция министрлыгы белгечләре тарафыннан эшләнүе мәсьәләсе турында фикер алышынган эш киңәшмәсен үткәрде.

Җәмәгать судьялары эшчәнлеген булдыру күздә тоткан һәм аның тәртибен билгеләгән закон проектларын анализлап караганда, җәмәгать судьялары институтының асылы алар суд хакимиятенә ия вазыйфаи затлар, Россия Федерациясе субъекты судьялары, бердәм суд системасының чикләнгән юрисдикциягә ия түбән звеносы булуда чагыла. Халыкка якын булган җәмәгать судьясы үзенең статусы һәм вәкаләтләре белән федераль судьядан әлләни аерылмавы бик мөһим.

РФ Югары Суды “Россия Федерациясендә җәмәгать судьялары турында” ФЗның 3 статьясына һәм РФ Граждан процессуаль кодексының 23 статьясына үзгәрешләр кертү хакында” федераль закон проектын әзерләде һәм Дәүләт Думасы каравына кертте.

Бүген Татарстан Республикасы Юстиция министрлыгының закон проектлары белән эшләү бүлеге җитәкчесе урынбасары И.А. Гомзик Татарстан Республикасы Дәүләт Советының Мәдәният, фән, мәгариф һәм милли мәсьәләләр комитетының эшче төркем утырышында катнашты, анда Татарстан Республикасы законнарының гамәлдә булу нәтиҗәлелеге карап тикшерелде.

Лениногорск шәһәрендә эш сәфәрендә булганда, Татарстан Республикасы юстиция министры М.М.Корманов “Лениногорск муниципаль районы” муниципаль берәмлеге административ комиссиясенең чираттагы утырышында административ материалларны карап тикшерү эшендә катнашты.

Республика башкарма хакимияте органнарының актларын дәүләт теркәвенә алу гражданнарның хокукларын, иреген һәм законлы мәнфәгатьләрен яклауны тәэмин итү, хокукый җайга салуны һәм чыгарыла торган норматив хокукый актларның Россия Федерациясе һәм Татарстан Республикасы законнарына туры килүен тикшереп торуны камилләштерү максатларында гамәлгә ашырыла.

Быелның февралендә узган “Хокук һәм хәят” иҗтимагый-хокукый һәм фәнни журналының Редакция советы утырышында Татарстан Республикасы буенча эчке эшләр министры, генерал-лейтенант Әсгать Сәфәров юл хәрәкәте иминлеге проблемаларына аерым игътибар биргән иде һәм бу җитди сөйләшүне ТР буенча ЭЭМның ЮХИДИ Идарәсендә дәвам итәргә тәкъдим иткән иде. Редколлегия әгъзалары аның белән килештеләр һәм күптән түгел генә республика автомобиль инспекциясенең яңа, хозур бинасында очраштылар.

Татарстан Республикасы Хөкүмәте ТР Министрлар Кабинетының Граждан хәле актларын язу Идарәсе белән Дәүләт учреждениесе – Россия Федерациясе Пенсия фондының Татарстан Республикасы буенча бүлеге, шулай ук граждан хәле актларын дәүләт теркәвенә алу вәкаләтләре бирелгән җирле үзидарә органнары һәм Дәүләт учреждениесе – Россия Федерациясе Пенсия фондының Татарстан Республикасы буенча бүлегенең территориаль бүлекчәләре арасында мәгълүмати багланышлар регламентын раслады.

Бүген Россия суд эшчәнлеге академиясенең Казан филиалында квалификация күтәрү курсларында укулар төгәлләнде. Укулар 31 марттан алып 11 апрельгә кадәр 2 төркемдә барды: җәмәгать судьялары һәм суд утырышы секретарьләре. Суд кадрларының квалификацион әзерлегенең мөһимлеген исәпкә алып, һәм “Россия Федерациясендә судьялар статусы турында” РФ Законы, “Россия Федерациясе дәүләт граждан хезмәте турында” Федераль закон һәм “Татарстан Республикасы дәүләт граждан хезмәте турында” ТР Законы нигезендә Татарстан Репсубликасы Юстиция министрлыгы республиканың җәмәгать судьялары, шулай ук аларның аппараты хезмәткәрләре өчен һәр өч ел саен курсларда яңадан әзерләүләр оештыра.

Кичә Лениногорск шәһәрендә Татарстан Республикасы муниципаль районнары һәм шәһәр округлары башкарма комитетлары җитәкчеләре белән “түгәрәк өстәл”утырышы булды, аны Татарстан Республикасы Премьер-министрының беренче урынбасары Р.Ф.Моратов үткәрде.