ЯҢАЛЫКЛАР

Бүген РФ Юстиция министрлыгының Россия хокук академиясенең филиалы Казан юридик институтында (филиал) Россия Федерациясе Юстиция министрлыгының Идел буе федераль округы буенча Идарәсенең “Муниципаль берәмлекләр уставлары регистр” мәгълүмат системасын алып бару өчен җаваплы хезмәткәрләре белән “Эштә кулланылучы документ рәвешләрен (бәяләмә, тапшырыла торган мәгълүмат һ.б.) унификацияләү һәм “Муниципаль берәмлекләр уставлары регистр” мәгълүмат системасын алып бару мәсьәләләре” темасына семинар-киңәшмә узды.

Татарстан Республикасы Дәүләт Советының Дәүләт төзелеше һәм җирле үзидарә буенча комитеты утырышы булды. Утырыш барышында муниципаль берәмлекләрнең территорияләре чикләрен билгеләү һәм аларның статусы турында, шулай ук 8 муниципаль райондагы аерым муниципаль берәмлекләрнең территорияләре чикләрен үзгәртү хакында закон проектлары карап тикшерелде.

Россия Федерациясенең Пенсия Фонды Идарәсе өстәмә пенсия иминләштерүе системасына ирекле керү турындагы гариза рәвешен раслады. 1 октябрьдән пенсия капиталын арттырырга теләүчеләрдән гаризалар кабул итә башлауга барысы да әзер.

РФ субъектлары прокуратураларында кече һәм урта бизнесны яклау буенча иҗтимагый советлар оешты, дип хәбәр итә бүген РФ Генпрокуратурасы матбугат хезмәте.

Узган шимбәдә Татарстан Республикасы Президенты күрсәтмәсе кысаларында Кама Аланында Татарстан Республикасы Премьер-министрының беренче урынбасары Р.Ф.Моратов рәислегендә киңәшмә узды, ул әлеге муниципаль берәмлекне үстерү проблемаларына багышланган иде.

Россия Федерациясе Төбәкләр үсеше министрлыгы тарафыннан Россия Федерациясендә төбәк сәясәтен камилләштерү концепциясе проекты эшләнде. Концепция проекты белән хакимият вәкаләтләрен гамәлгә ашыру мәсьәләләрендә Россия төбәкләренең мөстәкыйльлеген үстерүгә юнәлдерелгән чаралар каралган, бу Россия Федерациясе Конституциясе белән ныгытылган Россия Федерациясенең федератив төзелеше принциплары белән тулаем яраклаша.

Депутатлар һәм Бөтероссия иминиятчеләр берлеге (БИБ) туроператорларның финанс җаваплылыгы күләмен 10 миллионнан 50 миллион сумга кадәр арттырырга җыена.